Jerin Sunaye: Gwamna Aliyu Ya Raba Wa Sabbin Kwamishinoni Muƙamai a Sokoto

Gwamna Ahmad Aliyu na jihar Sakkwato ya raba muƙamai ga sabbin kwamishinoni kuma mambobin majalisar zartarwan da ya rantsar ranar Talata, 22 ga watan Agusta.

Jaridar Vanguard ta tattaro cewa hakan na ƙunshe ne a wata sanarwa da sakataren watsa labaran gwamna, Abubakar Bawa ya fitar kuma ta shiga hannun manema labarai.

Gwamna Aliyu ya yi wa sabbin kwamishinonin guda 25 fatan nasara a aikin da suka tasa a gaba na yi wa al'ummar jihar Sakkwato da gwamnati aiki, Ripples ta rahoto.

Jerin kwamishinoni 25 da mukaman da gwamna ya ba su

Legit.ng Hausa ta tattaro muku jerin sunayen kwamishinoni 25 da suka karbi rantsuwar kama aiki a jihar Sakkwato da kuma ma'aikatun da aka tura su.

Kara karanta wannan

Jam'iyyar PDP Ta Fusata, Ta Dakatar da Shugaban Matasan Jam'iyyar a Jihar Arewa Kan Abu 1

1. Nasiru Muhammad Binji - Ma'aikatar shari'a kuma Antoni Janar na jihar Sakkwato

2. Ibrahim Adare - Ma'aikatar kananan hukumomi

3. Idris Gobir (Mataimakin gwamna) - Ma'aikatar ayyuka

4. Muhammadu Jabbi Shagari - Ma'aikatar kuɗi

5. Sharehu Abubakar Kamarawa - Ma'aikatar harkokin cikin gida

6. Alhaji Muhammad Tukur Alkali - Ma'aikatar ilimin farko da na sakandire

7. Sheikh Dakta Jabir Mai Hula - Ma'aikatar harkokin addinai

8. Nasiru Tsoho - Ma'aikatar filaye da gidaje

9. Aminu Abdullahi (Iyan Sakkwato) - Ma'aikatar ilimin gaba da sakandire

10. Hadiza Shagari - Ma'aikatar harkokin mata da ƙananan yara

11. Sambo Bello Ɗanchadi - Ma'aikatar yaɗa labarai

12. Alhaji Bello Muhammad Wamakko - Ma'aikatar noma.

13. Jamilu Umat Gosta - Ma'aikatar matasa da wasanni

14. Bala Kokani - Ma'aikatar kimiyya da fasaha

15. Yusuf Muhammad Macciɗo - Ma'aikatar ruwa

16. Hajiya Asabe Balarabe - Ma'aikatar lafiya

17. Nura Shehu Tangaza - Ma'aikatar mahalli

18. Shehu Chacho - Ma'aikatar ayyuka na musamman

Kara karanta wannan

Cacar Kujera: Sanatoci da ‘Yan Majalisa 3 da Aka Nada Ministocin Tarayya a Yau

19. Ya’u Umar Danda - Ma'aikatar jinƙai da walwalar al'umma

20. Aminu Magaji Bodai - Ma'aikatar al'adu da wuraren buɗe ido

21. Haruna Umar Bashar - Ma'aikatar kasuwanci, ciniki da masana'antu

22. Bashar Abbas Kwabo - Ma'aikatar kirkire-kirkire da tattalin arziƙin zamani

23. Sanusi Ibrahim Umar - Ma'aikatar wuta da albarkatun man fetur

24. Alhaji Isah Tambagarka - Ma'aikatar haɓaka ma'adanan ƙasa

25. Aliyu Abubakar Tureta - Ma'aikatar bunƙasa kiwon dabbobi da kifi.

Gwamnatin Delta Ta Rage Wa Ma'aikata Ranakun Aiki Daga 5 Zuwa 3

A wani rahoton na daban Gwamnatin jihar Delta ta bayyana matakan da ta ɗauka domin rage wa mutane zafin cire tallafin man fetur.

Gwamna Sheriff Oborevwori ya ce gwamnatinsa ta amince da ƙara wa ma'aikata N10,000 domin agaza musu a wannan yanayi da ake fama da shi.

Asali: Legit.ng