Majalisar Dattawa Za Ta Tantance Ragowar Ministoci 15 a Yau Talata

• Majalisar dattawa a yau Laraba za ta kammala aikin da ta fara na tantance ministocin da Shugaba Tinubu ya naɗa domin aiki a gwamnatinsa
• Majalisar za ta tantance ragowar ministoci 14 da suka rage a tantance su kafin amincewa da naɗin da Shugaba Tinubu ya yi musu
• A ranar Talata majalisar ta fara tantance ministocin inda ta tantance 14 daga cikin 28 da su ke son zama ministoci

FCT, Abuja - Majalisar dattawa za ta tantance ragowar ministoci 14 da Shugaba Tinubu ya naɗa a yau Laraba, 1 ga watan Agustan 2023.

A jiya Litinin, 31 ga watan Yuli, 14 daga cikin ministocin 28 sun bayyana a gaban majalisar domin tantance su, rahoton jaridar The Punch ya tabbatar.

A ranar Alhamis ta satin da ya gabata ne dai, shugaban majalisar dattawa, Sanata Godswill Akpabio, ya bayyana jerin sunayen ministocin da Shugaba Tinubu ya aike zuwa ga majalisar domin tantancewa, cewar rahoton Daily Trust.

Kara karanta wannan

Tinubu: Jerin Sunayen Ministoci 14 da Suka Tsallake Matakin Tantance Wa a Majalisar Dattawa

El-Rufai zai bayyana a gaban majalisa domin tantancewa

Daga cikin waɗanda majalisar za ta tantance yau akwai, tsohon gwamnan jihar Kaduna, Malam Nasir Ahmad El-Rufai, tsohon gwamnan jihar Ebonyi kuma Sanatan Ebonyi ta Yamma, David Nweze Umahi.

Sauran sun haɗa da mai bayar da shawara na musamman ga shugaban ƙasa kan ayyuka na musamman, sadarwa da tsare-tsare, Dele Alake da tsohon ministan lafiya, Ali Pate.

Ga cikakken jerin sunayen ministocin da majalisar za ta tantance yau Talata:

1. David Umahi (Jihar Ebonyi)

2. Adebayo Olawale Edun (Jihar Ogun)

3. Nasir Ahmad El-Rufai CON (Jihar Kaduna)

4. Ahmed Musa Dangiwa (Jihar Katsina)

5. Cif Uche Geoffrey Nnaji (Jihar Enugu)

6. Stella Okotete (Jihar Delta)

7. Dele Alake (Jihar Ekiti)

8. debayo Adelabu (Jihar Oyo)

9. Muhammad Idris (Jihar Niger)

10. Farfesa Ali Pate (Jihar Bauchi)

11. Doris Anite Uzoka (Jihar Imo)

Kara karanta wannan

Da Ɗumi-Ɗumi: Taƙaddama Ta Barke a Majalisar Dattawa Yayin Tantance Wani Minista Daga Arewa

12. Lateef Fagbemi SAN (Jihar Kwara)

13. Hon. Ekperikpe Ekpo (Jihar Akwa Ibom)

14. Barr Hannatu Musawa (Jihar Katsina)

Majalisa Ta Tantance Ministoci 14

A wani labarin kuma, majalisar dattawa ta tantance ministoci 14 daga cikin 28 da Shugaba Tinubu ya aike da sunayensu domin tantancewa.

Tsohon gwamnan jihar Rivers, Nyesom Ezenwo Wike da tsohon gwamnan jihar Jigawa, Badaru Abubakar na daga cikin waɗanda majalisar ta tantance.

Asali: Legit.ng