'Dan Takaranmu Ya Ci Amanar Tinubu, Ya Goyi Bayan Peter Obi a 2023 Inji ‘Yan APC
- Shugabannin APC daga dukkanin bangarorin jihar Delta sun zargi Ovie Omo-Agege da zagon-kasa
- Ana tuhumar tsohon mataimakin shugaban majalisar dattawan da yi wa Peter Obi aiki a zaben bana
- Sanata Omo-Agege ya sha kashi a takarar Gwamnan, amma LP ta kai labari a zaben Shugaban kasa
DUBA NAN: Bibiyi shafin Legit.ng Hausa a kafar TikTok. Kada ka bari bidiyo mai daukar hankali ya wuce ka!
Delta - Jagororin jam’iyyar APC daga yankuna uku na jihar Delta, sun ce Ovie Omo-Agege ya yaki Bola Ahmed Tinubu a zaben da ya gabata.
The Cable ta rahoto cewa ana zargin Ovie Omo-Agege da yi wa jam’iyyarsa da kuma ‘dan takaranta zagon-kasa a zaben shugaban Najeriya.
A wani jawabi da shugabannin jam’iyyar APC a Delta su ka fitar, sun ce ‘dan takaran Gwamnansu a 2023, ya hada-kai ne da Peter Obi na LP.
Asali: Twitter
Masu zargin Omo Agege da zagon kasa
Shugabannin APC na jihar da su ka sa hannu a jawabin da aka fitar a ranar Laraba su ne: Tom Onah, Nelson Ogharama da kuma Michael Orunefe.
DUBA: Shigo shafin Legit.ng na manhajar Legit.ng na Telegram! Kada ka bari komai ya wuce ka
Sakataren APC na reshen jihar Delta, Michael Inana, ya sa hannu a wannan takardar zargi.
“Omo-Agege, Peter Obi da ‘Yan Obedient sun kulla yarjejeniya cewa za a goyi bayan Peter Obi a zaben shugaban kasa da Omo Agege a zaben Gwamna.
Akwai allon takara da hotunansa (Omo Agege) tare da ‘dan takaran na LP a duk fadin jihar.
Daya daga ciki shi ne fostar da ke titin Kwele-Asaba dauke da hoton Obi/Datti (takarar shugaban kasa) da kuma Omo-Agege/Osenabi (takarar Gwamna).
- Shugabannin APC
An boye kudin yakin neman zabe
Jaridar ta kuma ce ana zargin an ki fito da kudin APC na yakin neman zaben shugaban kasa, sai da aka gama takara saboda a taimakawa Obi.
Wadanda su ka samu kudin kamfe ba su fito da shi ba sai a lokacin zaben sabon Gwamna.
Jagororin na APC su ka ce an magoya bayan tsohon mataimakin shugaban majalisar sun kai wa Cairo Ojougboh PCC hari saboda yana tare da Tinubu.
...Shi ya tsaida Godwin Emefiele?
An samu irin wannan zargi a baya, an ji labari wasu jagororin jam’iyyar APC a Delta sun rubutawa Bola Tinubu wasika a kan zargin yin zagon kasa.
‘Yan APC sun ce ‘dan takaransu watau Ovie Omo Agege ne ya daurewa Godwin Emefiele ya shiga takara a jam’iyyar APC saboda ya yaki Tinubu.
Asali: Legit.ng
