Kai Tsaye: An Fara Cikon Zaben Gwamnoni a Jihohi Adamawa Da Kebbi
Hukumar zabe ta kasa mai zaman kanta (INEC) za ta gudanar da cikon zaben gwamnoni a yau Asabar, 15 ga watan Afrilu a jihohin Adamawa da Kebbi. Wannan ya biyo bayan ayyana zaben gwamna na ranar 18 ga watan Maris da aka yi a matsayin wanda bai kammlu ba a jihohin.
Hakazalika, hukumar zaben za ta gudanar da cikon zabe na kujerun yan majalisun jiha da na tarayya 94.
Ku ci gaba da bibiyarmu don kawo maku yadda zaben ke gudana kai tsaye.
Asali: Twitter
Sojoji sun harbe ɓarawan Akwati har lahira a Kebbi
Sojojin Najeriya sun bindige wani barawom akwatu a rumfar zaɓe Bajida 001, ƙaramar hukumar Fakai a jihar Kebbi.
Vanguard ta rahoto cewa Sojojin sun harbe mutumin har lahira yayin da ya yi yunkurin kwace Akwatun zaɓe daga wurin Malaman zaben INEC sa'ilin zaben cike gurbin da ke gudana a wasu sassan jihar.
A cewar ganau, mamacin mamba ne a ƙungiyar jami'an tsaron 'Yan Sakai, watau dakarun 'yan banga a yankin
Unguwan Barmani 1, gundumar Kashini, Agwara LGA
Jama'a sun fara kaɗa kuri'a tun da misalin karfe 8:30 na safe a wannan rumfa kuma komai na tafiya a tsanake ba tare da samun cikas ba, jami'an tsaro na sa ido.
Zabe na gudana a Adamawa yayin da aka ji shiru daga jihar Kebbi
PU018, Sangere, Namtari, karamar hukumar Yola ta kudu.
Ana ci gaba da tantance masu zabe da kada kuri’u a wannan rumfar zaben amma sam tsarin baya tafiya yadda ya kamata bisa tsari.
A halin da ake ciki, babu wani sahihin rahoto da ke fitowa daga jihar Kebbi inda ake sa ran cikon zaben gwamna zai gudana a jihar ma a yau.
PU009, Malkohi Primary School, Namtari, Yola South LGA, Adamawa
Zaɓe ya kankama a wannan rumfa ta 009, karamar hukumar Yola ta kudu a jihar Adamawa amma babu tsari mai kyau.
Asali: UGC
Ko Gawa Zamu Ɗauko Daga Makabarta Ta Zaɓi Binani - Mazaunin Adamawa
Wani mai goyon bayan ƴar takarar gwamna karkashin inuwar APC, Aishatu Binani, ya ce Sanata Binani ce zata lashe zaɓe a mazaɓarsa.
A wani budiyo da The Cable ta wallaha, mutumin ya yi ikirarin cewa ko gawa zasu ce su ɗauko a makabarta ta zo ta zaɓi Binani don ta ci zaɓen rumfarsa in sha Allahu.
Ba a fara zabe ba a rumfuna 14 a karamar hukumar Numan, jihar Adamawa
Ba a fara zabe ba a rumfunar zabe 14 a karamar hukumar Numan ta jihar Adamawa, kamar yadda Channels TV ta rahoto.
Da karfe 11:47am, a gudunmar Bolki inda ake da rumfunan zabe 13, an gano jami’an INEC suna tantance kayan zabe don rabawa rumfunan.
Legit.ng ta tattaro cewa a yayin zaben ranar 18 ga watan Maris, ba a yi zabe ba a Bolki saboda matsalar rashin zuwa jami’an INEC da kayan zabe da wuri.
PU 018, Sangere, Namtari, Yola south LGA, Adamawa
Tantance masu kaɗa kuri'a da dangwala zaɓe ya kankama a rumfar PU O18, karamar hukumar Yola ta kudu a jihar Adamawa. Sai dai zaɓen na tafiya babu tsari.
Asali: UGC
Rikici ya kaure wajen zabe a Adamawa
An caki wata matashiya a rumfar zabe na PU006, Kofar Jauro Audu, Jambutu, karamar hukumar Yola ta arewa a Adamawa. Wadanda suka farmaketa sun kwace wayarta. Ba a san dalilin kai mata harin ba.
Hakazalika, an caki wani mutum da ba a san ko wanene ba wata rumfar zabe a karamar hukumar Yola ta arewa saboda yana dauke da kudi a aljihunsa.
Kayan zabe basu isa wasu rumfuna ba a Adamawa
Rahoto ya nuna har zuwa ƙarfe 10:13 malaman zaɓe da kayayyakin zaɓe ba su karisa rumfa ta 0015, gundumar Michika II, karamar hukumar Michika ba.
An sha yar dirama a rumfar zabe na PU004, Bubakari Maigari, Ajiya, karamar hukumar Yola ta Arewa
Jaridar The Cable ta rahoto cewa wakilin wata jam’iyya, ya haddasa cece-kuce yayin da ya yi kokarin taimakawa wata dattijuwar mata kada kuri’arta.
A halin da ake ciki, zabe na gudana a PU006, Kofar Jauro Audu, Jambutu, karamar hukumar Yola ta arewa.
An fara kada kuri’u a jihar Adamawa
An fara tantance masu zabe da kada kuri’u a jihar Adamawa, musamman a rumfunan zabe kamar haka:
PU001, Buba Jalo, Ajiya, karamar hukumar Yola ta arewa, Adamawa
PU004, Bubakari Maigari, Ajiya, karamatr hukumar Yola ta arewa, Adamawa
Manyan yan takara da kallo ke kansu a cikon zaben gwamnoni
Ahmadu Fintiri
Gwamnan jihar Adamawa kuma dan takarar jam'iyyar Peoples Democratic Party (PDP).
Aisha Dahiru
Sanata kuma yar takarar gwamna na jam'iyyar All Progressives Congress (APC) a jihar Adamawa.
Nasiru Idris
Dan takarar gwamnan APC a jihar Kebbi wanda ke kan gaba kafin a ayyana zaben a matsayin wanda bai kammala ba.
Janar Aminu Bande
Dan takarar gwamnan PDP a jihar Kebbi. Ana sa ran zaben cikon zai zamo tsakanin Bande da Idris.
Karanta karin bayani game da manyan yan takarar a nan.
Aisha Musa (Hausa writer) Aisha Musa 'yar jarida ce wacce ta kwashe shekaru biyar tana aikin gogewa a harkar yada labarai. Ta kammala karatun ta a Jami'ar Ibrahim Badamasi Babangida (IBB Lapai) a shekarar 2014 tare da digirin farko a fannin Tarihi. Aisha Editan Hausa ce wacce ke amfani da kwarewa da kwazonta don karfafawa wasu gwiwar yin aiki tukuru don cimma nasara. Ta karbi lambar yabo na gwarzuwar shekarar 2021 a bangaren Hausa na Legit. Za ku iya aika mata sakonnin imel ta adireshinta aisha.musa@corp.legit.ng
Ahmad Yusuf (Hausa editor) Ahmad Yusuf ma'aikacin jaridar Legit.ng sashin Hausa ya fara aiki a 2021, ya kware wajen kawo labarai da rahotanni da suka shafi siyasa da al'amuran yau da kullum. Matashin ɗan jaridar ya koyi Lissafi a digirinsa na farko a Jami'ar Kimiyya da Fasaha da ke Wudil, Kano (KUST) ya kuma samu shaidar kwarewa a fannin aikin jaridar zamani daga Reuters a 2022. Kafin fara aiki da Legit Ahmad ya yi aiki da jaridu da dama na turanci da Hausa tun 2012. Mail: ahmad.yusuf@corp.legit.ng 07032379262
