'Yan Takarar Sanata 8 Sun Janyewa Ɗan Takarar APC a Jihar Niger
- Ana gobe zaɓe, ɗan takarar sanatan jam'iyyar APC ya samu wani gagarumin tagomashi
- Ƴan takara takwas na jam'iyyun adawa sun ce sun janye sun haƙura da yin takara inda suka mara masa baya
- Ƴan takarar sun bayyana dalilan da ya sanya suka haƙura da takarar su domin marawa sanatan baya
Niger- Ɗan takarar sanatan Niger ta Yamma a ƙarƙashin jam'iyyar All ProgressivesɓCongress (APC), Sanata Muhammad Sani Musa, ya samu wani babban tagomashi ana gobe zaɓe.
Ƴan takara takwas ne na jam'iyyun adawa suka janyewa ɗan takarar na jam'iyyar APC a zaɓen da za a gudanar gobe. Rahoton Tribune
Asali: UGC
Ƴan takarar waɗanda suka kafa ƙungiyar G8, sun bayyana cewa sai da suka yi tankaɗe da rairaya na dukkanin ƴan takarar dake neman kujerar sanatan kafin su yanke shawarar marawa sanata Muhammad Sani Musa baya.
Kakakin ƙungiyar ta su kuma ɗan takarar jam'iyyar ADC, Alhaji Usman Babagiwa, yace sanatan shine wanda ya cancanci da ya cigaba da riƙe kujerar duba da nasarorin da ya samu. Rahoton New Telegraph
DUBA: Bibiyemu a Instagram don samun labarai masu muhimmanci kai tsaye cikin manhajar
Sun bayyana dalilan su
”Mun fahimci cewa ɗan takarar APC ya samu nasarori sosai a cikin shekaru huɗun da yayi akan mulki, musamman a wajen samarwa mata da matasa ayyukan yi." A cewar sa.
Ya bayyana cewa sun yanke shawarar haƙura da takarar su domin goyawa ɗan takarar APC baya saboda yana da ƙoƙarin samo ayyukan cigaba ga mazaɓar da jihar gabaɗaga.
”Muna da masaniyar cewa, idan aka bashi damar komawa karo na biyu, zai yi abinda yafi wanda yayi a karon farko, duba da yadda ya nuna jajircewar sa."
Ƴan takarar sanatan da suka marawa ɗan takarar APC baya sune Alhaji Usman Babagiwa na jam'iyyar ADC, Yakubu Aliyu Ibrahim na jam'iyyar SDP, Mohammed Mohammed na jam'iyyar NRM.
Sauran sun haɗa da Ibrahim Bagudu Adamu na jam'iyyar Labour Party, Mohammed Adamu na jam'iyyar APGA, Bawa Danlami na jam'iyyar APP, Aminu Halidu na jam'iyyar Accord da Mohammed Bawa Ayishi na jam'iyyar ADP.
A wani labarin na daban kuma hukumar EFCC ta cafke kuɗin siyan ƙuri'a a jihar Legas.
Kamun na zuwe ana gobe babban zaɓen Najeriya.
Asali: Legit.ng
