An Gurfanar da Mutane 20 da Ake Zargi da Hannu a Ayyukan Ta'addanci a Najeriya
- Gwamnatin tarayya karkashin Shugaba Bola Ahmed Tinubu ta dawo da shari'o'in wadanda ake zargi da hannu a ayyukan ta'addanci a Najeriya
- An gurfanar da mutane 20 a gaban babbar kotun tarayya mai zama a Abuja yau Talata, lamarin da ke nuna sauyi a shari'o'in 'yan ta'addan
- Bayanai sun nuna cewa an girke jami'an tsaro a muhimman wurare da titunan zuwa kotun domin tabbatar da tsaro
Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum
FCT Abuja, Nigeria - Gwamnatin Tarayya ta fara gudanar da shari’ar dinbin mutanen da ake zargi da hannu a ayyyukan ta’addanci a Babbar Kotun Tarayya da ke Abuja.
Rahoto ya nuna cewa gwamnatin ta gurfanar da akalla mutane 20 a gaban babbar kotun mai zama a Abuja yau Talata, 7 ga watan Afrilun 2026.
Source: Getty Images
An maida shari'o'in yan ta'adda Abuja
Jaridar Leadership ta rahoto cewa hakan ke nuna wani gagarumin sauyi daga yadda aka saba gudanar da shari’o’in 'yan ta'addan a wuri guda a Kainji, jihar Neja.
Shari’ar, wadda ta shafi wadanda ake zargi visa tuhume-tuhume da suka shafi ta’addanci, an mayar da ita Abuja ne a lokacin da kotun bikin Easter.
A cewar rahotanni, hutun wanda aka fara ranar 7 ga watan Afrilu, zai kare ne a ranar 13 ga watan Afrilu, inda ake sa ran za a ci gaba da zaman kotu a dukkan shiyyoyi a ranar 14 ga watan Afrilu, 2026.
Duk da ana tsakiyar hutu hutun, an ware akalla dakunan shari’a 13 a reshen Babbar Kotun Tarayya da ke Abuja domin tunkarar tarin shari’o’in ta’addancin, lamarin da ke nuna girman aikin da kuma bukatar gaggawa wajen gudanar da shari’o’in.
Tawagar lauyoyin gwawmnatin Najeriya tana karkashin jagorancin Darakta Janar na Hukumar Bada Agajin Shari’a ta Tarayya, Aliyu Abubakar.
Sunayen wadanda aka gurfanar a kotu
Aliyu ya bayyana a gaban Mai Shari’a Binta Nyako tare da sauran lauyoyi domin gurfanar da wasu mutane kusan 20 da ake zargi da hannu a ayyaukan ta'addanci.
Wadanda sunayensu suka fito a jadawalin shari’ar kotun sun hada da Hamat Modu, Isah Ali, Awal Bello, Shehu Bukar, Alhaji Kulle, Mohammed Abacha Hassan, Aminami Mallum, Tasiu Yakubu, da Abdullahi Ali, da dai sauransu.
Source: Getty Images
An girke jami'an tsaro a Abuja
An tsaurara matakan tsaro sosai a kewayen kotun, inda aka girke karin dakarun tsaro dauke da makamai zuwa wurare daban-daban, cewar rahoton Vanguard.
An katange dukkan hanyoyin da ke kaiwa zuwa Babbar Kotun Tarayya, yayin da jirage masu saukar ungulu na ‘yan sanda suka ci gaba da shawagi a sararin samaniyar yankin kasuwanci na tsakiyar birnin (CBD) da ke Abuja.
An gurfanar da makasan Fatima a kotu
A wani rahoton, kun ji cewa babbar kotun jihar Kano ta fara zaman sauraron shari'ar wadanda ake zargi da kisan Fatima da 'ya'yanta shida a unguwar Dorayi.
Rahotanni sun nuna cewa an gurfanar da wadanda ake zargi su hudu ciki har da dan uwan marigayiyarsa mai suna Umar, a gaban Babbar Kotun Jihar Kano da ke zamanta a Bompai.
Yayin zaman kotun, mutane uku daga cikin wadanda ake zargi da aikata laifuffukan da da aka bayyana, sun ki amsa laifi yayin da wanda ake kara na farko, Umar Auwalu, ya amsa laifinsa.
Asali: Legit.ng
