Gwamnatin Tinubu Ta Gano Talakawan da Suka Fi Bukatar Taimako a Najeriya

• Gwamnatin tarayya ta ce ta kammala tattara bayanan mutanen da suka fi fama da talauci da matsin rayuwa a rijistar marasa galihu
• Ministan harkokin jin kai, Dr. Bernard Doro ya ce sun bi ka'idoji da taimakon al'umma wajen gano talakawan da suka fi fama da talauci
• Doro ya ce rijistar da gwamnati ta hada a yanzu, na kunshe ne da talakawan da suka fi bukatar taimako a fadin kasar nan

Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum

Abuja, Nigeria - Gwamnatin tarayya karkashin jagorancin shugaban kasa, Bola Ahmed Tinubu na ci gaba xa kokarin yakar talauci a Najeriya.

Gwamnatin ta yi ikirarin cewa zuwa yanzu, ta kammala gano mutanen da suka fi ko wadanne fama da talauci da kuncin rayuwa.

Ministan Harkokin Jin-ƙai da Rage Talauci, Dr. Bernard Doro, ne ya bayyana hakan a wata hira da aka yi da shi a cikin shirin The Morning Show na tashar Arise TV a ranar Juma’a, 13 ga watan Fabrairu, 2026.

Kara karanta wannan

Nasir El Rufa'i: "Ina kada hantar masu mulkin Najeriya"

Gwamnatin Tarayya ta hada bayanan talakawa

Dr. Doro ya bayyana cewa gwamnatin Tarayya ta yi nasarar gano gidaje mafi talauci a Najeriya ta hanyar rijistar jin-ƙai ta ma’aikatarsa.

Ministan ya ce tsarin tantancewar da aka yi amfani da shi a aikin hada rijistar, ya dogara sosai da bayanan al’umma wajen gano waɗanda suka fi buƙatar taimako a fadin kasar nan.

Ya jaddada cewa ba duk talakawan Najeriya ne aka saka a rijistar ba, domin tsarin ya fi mayar da hankali ne kan “mutanen da suka fi fana da talauci a cikin talakawa."

Yadda aka hada rijistar talakawan Najeriya

A cewarsa, rijistar jin-ƙai a halin yanzu ta ƙunshi bayanan gidaje marasa galihu miliyan 17.9, wanda ke wakiltar kimanin ’yan Najeriya miliyan 70.

“An hada rijistar ne tare da haɗin gwiwar al’umma. Galibi mun fi dogaro da bayanan da muka samu daga al’umma, ta hanyar amfani da ka’idojin tattalin arziki da zamantakewa.

"Ta hada nuka bi muka hada bayanan waɗanda suka fi buƙatar taimako daga cikin talakawa a fadin kasar nan,” in ji Doro.

Kara karanta wannan

Da sake: ADC ta dura a kan Tinubu saboda yunkurin kama El Rufa'i

Ya ƙara da cewa al’umma na taka muhimmiyar rawa wajen bai wa ma’aikatar bayanan masu karamin karfi domin tabbatar da cewa tallafi ya kai ga waɗanda suka fi cancanta.

Dr. Bernard Doro akwai ka'idojin da aka shinfida wjaen tantance wadanda suka fi fama da talauci, wanda hakan ya kara tsaftafe rijistar, kamar yadda Punch ta kawo.

Gwamnatin tarayya ta bullo da sabon shiri

A wani rahoton, kun ji cewa gwamnatin tarayyar Najeriya ta kaddamar da sabon shirin horaswa kyauta a fadin kasa domin ba ’yan Najeriya miliyan 10 ilimin hada-hadar kudi.

Rahotanni sun nuna cewa ofishin mataimakin shugaban kasa ne ke jagorantar shirin ta hannun kwamitin shugaban kasa kan tattalin arziki,

Rahotanni sun nuna cewa an tsara shirin ne domin bai wa mata da matasa kwarewa a harkar kudi, zuba jari da dabarun habaka tattalin arziki

Wanda ya tantance Muhammad Malumfashi, babban edita a Legit.ng.

Asali: Legit.ng