Masarautar Zazzau Ta Yi Rashi, Danmajen Arewa Ya Yi Bankwana da Duniya
- Masarautar Zazzau da ke jihar Kaduna ta bayyana rasuwar Danmajen Arewa, Injiniya Hayyatu Mustapha, daya daga cikin fitattun masu sarautar birnin
- Sanarwar da masarautar ta fitar a shafinta na Facebook ta tabbatar da cewa marigayin ya rasu ne a yammacin Asabar, 12 ga Afrilu, 2025
- Haka kuma sanarwar ta ce za a gudanar da sallar jana’izar Injiniya Hayyatu Mustapha a ranar Lahadi, 13 ga Afrilu, a unguwar Mangawaron Babajo
- Ana sa ran sallar jana’izar za ta fara ne da karfe 2:30 na rana a kofar gidan Asusu, inda ake rokon Allah ya jikansa da rahama
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru biyar.
Zaria, Kaduna - Masarautar Zazzau a jihar Kaduna ta sanar da rasuwar daya daga cikin manyan masu sarauta a birnin.
An tabbatar da rasuwar Danmajen Arewan Zazzau, Injiniya Hayyatu Mustapha a ranar Asabar 12 ga watan Afrilun 2025.
Asali: Facebook
Wannan na kunshe ne a cikin wata sanarwa shafin Zazzau Emirate ya wallafa a manhajar Facebook da safiyar yau Lahadi 13 ga watan Afrilun 2025.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Sarkin Yakin Zazzau ya riga mu gidan gaskiya
A farkon watan Janairun 2025, Masarautar Zazzau ta yi rashin Sarkin yaki wanda aka shiga alhini sosai duba da girman marigayin a fada.
Alhaji Rilwanu Yahaya Pate, Sarkin Yakin Zazzau, ya rasu a ranar Alhamis, 30 Janairu, 2025 ana tsaka da taro a wani asibiti.
Rahotanni sun tabbatar da cewa an yi jana'izar marigayin a gidansa dake Rimin Doko, Unguwar Kaura, a Birnin Zaria, tare da gudanar da sallah a misalin karfe 5:00.
Majiyar Legit Hausa ta tabbatar da cewa ai Martaba Sarkin Zazzau, Alhaji Ahmed Nuhu Bamalli ya fito domin a sallaci marigayin.
Asali: Facebook
An sanar da lokacin sallar jana'izar marigayin
Sanarwar ta ce marigayin ya rasu ne a yammacin jiya Asabar 12 ga watan Afrilun 2025 da muke ciki.
Har ila yau, sanarwar ta tabbatar da cewa za a yi sallar jana'zar marigayin a yau Lahadi 13 ga watan Afrilun 2025.
Sanarwar ta ce:
"Bisa yardar Allah za a gabatar da jana'izar marigayi Danmajen Arewan Zazzau, Injniya Hayyatu Mustapha.
"Za a gabatar sallar jana'izarsa a yau Lahadi 13 ga watan Afrilun 2025 a Mangawaron Babajo da ke kofar gidan Asusu.
"Sallar za ta gudana ne da misalin karfe 2:30 na rana, da fatan Allah ya jikansa da ramaharsa, Ameen."
Shugaban gudanarwa a Izalah ya rasu
Kun ji cewa an shiga jimami a jihar Adamawa bayan rasuwar Alhaji Muhammad Aliyu Kaka, daya daga cikin manyan shugabannin Izalah na reshen Jos.
Kungiyar JIBWIS reshen jihar Gombe ce ta tabbatar da rasuwar shugaban a wani rubutu da ta wallafa a shafin Facebook a daren ranar Asabar.
Marigayin ya rike mukamin shugaban gudanarwa na JIBWIS a Adamawa kafin rasuwarsa, kuma yana da karbuwa sosai a tsakanin mabiyansa.
Rahotanni sun tabbatar an gudanar da sallar jana'izarsa a masallacin Izalah na Gate 2 da misalin karfe 11:00 na safe, kamar yadda sanarwa ta bayyana.
Asali: Legit.ng
