'Don Allah Ka Bar Ni': Ribadu Ya Yi Martani ga El Rufai bayan Kalamansa kan Zaben 2031
- Mallam Nuhu Ribadu ya yi martani bayan kalaman tsohon gwamnan Kaduna, Mallam Nasir El-Rufai yayin hirarsa da 'yan jarida
- Ribadu ya ce ba zai yi ta gardama da Nasir El-Rufai ba, ya ce yana da abubuwan da suka fi muhimmanci fiye da jayayya da shi
- Ya jaddada cewa bai taɓa faɗa ko sukar El-Rufai a bainar jama’a ba, saboda girmamawa ga dangantakarsu da kuma iyalansu
- Ribadu ya musanta batun neman takarar shugaban kasa a 2031, ya ce duk hankalinsa na kan nasarar mulkin Bola Tinubu da ci gaban Najeriya
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru biyar.
FCT, Abuja - Mai ba shugaban ƙasa, Bola Tinubu shawara kan tsaro, Nuhu Ribadu ya yi wa Nasir El-Rufai martani.
Ribadu ya ce ba shi da lokacin yin gardama ko jayayya da El-Rufai saboda lamuran mulki.
Asali: Twitter
El-Rufai ya zargi Ribadu kan zaben 2031
Ribadu ya bayyana haka ne a cikin wata sanarwa da ya wallafa a shafinsa na X a yau Talata 25 ga watan Fabrairun 2025.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Martanin ya biyo bayan zargin da El-Rufai ya yi cewa Ribadu ya shirya neman kujerar shugaban kasa a shekarar 2031.
El-Rufai ya ce dalilin haka ne ma Ribadu ke neman taka duk wani da yake ganin zai zamo masa matsala a Arewacin Najeriya.
Tsohon shugaban EFCC ya ce akwai dangantaka mai ƙarfi tsakaninsu da kuma iyalansu wanda ba zai biye masa ba.
Ribadu ya fadi dangantarsa da Nasir El-Rufai
“Hankalina ya kai ga wata hira da Mallam Nasir El-Rufai, tsohon gwamnan Kaduna, da aka yi da shi ranar Litinin da dare.
"Idan da ba don ka da a ce na yarda ba, da na yi shiru. Ina da abubuwan da suka fi muhimmanci fiye da shiga rigima da El-Rufai.
“Duk da ci gaba da ƙoƙarin tayar da hankali, ban taɓa faɗa ko sukar El-Rufai a bainar jama’a ba saboda girmamawa ga dangantakarmu da iyalanmu.
“Ina kira ga jama’a su yi watsi da kalaman El-Rufai a kaina, domin kaucewa rudani, ina tabbatarwa da kowa cewa ban taɓa tattaunawa da kowa kan takarar shugaban ƙasa a 2031 ba."
'Ba ni da lokaci a yanzu' - Ribadu ga El-Rufai
Ribadu ya ce a yanzu hankalinsa ya koma kan yadda za a samu ci gaba da kuma inganta rasuwar al'umma da Bola Tinubu ya sanya a gaba.
Ya kara da cewa:
“Dukkan hankalina na kan ci gaban Najeriya da kuma nasarar mulkin Shugaba Tinubu.
“Saboda haka, ina roƙon Nasir El-Rufai ya bar ni in mai da hankali kan aikina, kamar yadda ni ma ba na shiga harkokinsa.”
'Buhari ne sila' - El-Rufai kan takarar gwamna
A baya, kun ji cewa tsohon gwamnan Kaduna, Nasir El-Rufai ya yi magana kan silar takararsa karkashin APC a zaben 2015.
El-Rufai ya ce kwata-kwata bai da sha'awar neman takarar amma tsohon shugaban kasa, Muhammadu Buhari ya tilasta masa.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
