Shugaba Tinubu Zai Yi Jawabi ga 'Yan Najeriya, Ya Sanya Lokacin Hirar Farko

• Shugaban ƙasa Bola Ahmed Tinubu zai tattauna da ƴan jarida a karon farko tun bayan hawansa kan madafun ikon ƙasar nan
• Mai taimakawa shugaban ƙasa kan harkokin yaɗa labarai da dabaru, Bayo Onanuga, ya bayyana cewa za a yi tattaunawar ne a daren ranar Litinin
• Onanuga ya ƙara da cewa za a watsa tattaunawar ne a tashar talabijin ta NTA da gidan rediyon FRCN da misalin ƙarfe 9:00 na dare

Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi

Jihar Legas - Shugaban ƙasa Bola Ahmed Tinubu zai tattauna da ƴan jarida a karon farko.

Shugaba Tinubu zai yi tattaunawar ne wacce ita ce ta farko tun bayan hawansa mulki a ranar Litinin, 23 ga watan Disamban 2024.

Tinubu zai yi hirar farko da ƴan jarida

Mai ba shugaban ƙasa shawara kan harkokin yaɗa labarai da dabaru, Bayo Onanuga, ne ya bayyana hakan cikin wata sanarwa a shafinsa na X.

Kara karanta wannan

ACHR: "Tinubu ya yi wani abin da tsofaffin shugabannin Najeriya suka gagara yi"

Za a watsa tattaunawar ne a gidan talabijin na Najeriya (NTA) da kuma gidan rediyon tarayyar Najeriya (FRCN). 

Bayo Onanuga ya ce za a watsa tattaunawar ne da misalin ƙarfe 9:00 na daren yau Litinin.

"Za a watsa tattaunawar farko da ƴan jarida tare da shugaban ƙasa Bola Ahmed Tinubu, da ƙarfe 9:00 na dare a ranar Litinin, 23 ga watan Disamba, a tashar NTA da gidan rediyon FRCN."

"Ana buƙatar tashoshin talabijin da gidajen rediyo su kama domin tattaunawar."

- Bayo Onanuga

Karanta wasu labaran kan Bola Tinubu

• "Ba abin da za a fasa," Bola Tinubu ya sake magana mai ɗumi kan kudirin haraji
• Gwamnatin Tinubu ta karbo bashin Naira tiriliyan N5.84, an fadi ayyukan da aka yi
• Kasafin kudi: Yadda gyara gidajen Tinubu, Shettima za su lakume N6.36bn

Gwamnati sun raba tiriliyoyi a Najeriya

A baya rahoto ya zo cewa Naira tiriliyan 3.14 ya shigo cikin asusun gwamnatin tarayya kuma an raba Naira tiriliyan 1.7 daga asusun FAAC a watan Nuwamban 2p24.

Gwamnatin tarayya ta samu N580bn, an raba N549bn tsakanin gwamnonin jihohi 36 sannan shugabannin kananan hukumomin sun samu N402.55bn.

Asali: Legit.ng