Tinubu, Gwamnoni Sun Halarci Daurin Auren Dan Gwamna, An Kwarara Masa Yabo

• Shugaba Bola Tinubu ya yabawa Gwamna a Najeriya kan jagoranci na kwarai da hada kan al'umma
• Tinubu ya kora yabon ne ga Gwamna Sheriff Oborevwori na jihar Delta wanda ya kasance dan jam'iyyar PDP
• Shugaban ya fadi haka yayin halartar bikin daurin auren dan Gwamna Oborevwori da aka yi a jihar Delta

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

Jihar Delta - Shugaban kasa, Bola Ahmed Tinubu ya halarci daurin auren dan Gwamna Sheriff Oborevwori a Delta.

Tinubu ya bayyana gwamnan a matsayin mai hade kan al’umma da jagoranci na kwarai duba da jama’a daga bangarori daban-daban na siyasa da suka halarci bikin auren dansa a Asaba.

Tinubu ya yabawa salon mulkin Gwamna Oborevwori

Jaridar Thisday ta tabbatar da cewa an daura auren Clinton Oborevwori da masoyiyarsa, Knowledge Davidson.

Kara karanta wannan

Gwamna Radda ya ziyarci mutanen da aka ceto a hannun 'yan bindiga, ya ba da tallafi

Tinubu, wanda Ministan Sufurin Jiragen Sama, Festus Keyamo ya wakilta ya yabawa Gwamna Oborevwori kan kasancewarsa gwamna na kowa da kowa.

Ya ce gwamnan ya kasance mai son zaman lafiya da ba ya nuna bambanci, ya ce idan shugabanni za su guji son zuciya da banbancin siyasa da addini, Najeriya za ta zama kasa mafi kyau ga kowa.

Gwamna Oborevwori, ya nuna godiyarsa ga Tinubu da takwarorinsa gwamnoni da duk wadanda suka halarci bikin don girmama shi da iyalinsa.

Ya bayyana Shugaba Tinubu a matsayin mutum nagari da ba ya kallon bambancin siyasa a mu’amalarsa, cewar Tribune.

Gwamnonin da suka halarci daurin auren

Wadanda suka halarci bikin akwai Shugaban Kungiyar Gwamnonin Najeriya kuma Gwamnan jihar Kwara, AbdulRahman AbdulRazaq da gwamna Ahmadu Fintiri na Adamawa.

Sai gwamna Agbu Kefas na Taraba da Douye Diri na Bayelsa da gwamnan Rivers, Sim Fubara da Dapo Abiodun daga Ogun da Caleb Muftwang na jihar Filato da Abiodun Oyebanji na Ekiti da Usman Ododo na Kogi da Hope Uzodimma daga Imo.

Kara karanta wannan

'Hakan ya zama dole': Shugaban kamfanin BUA ya yabawa tsare tsaren Tinubu, ya jero dalilai

Tinubu ya ba da auren yar Barau

Kun ji cewa manyan 'yan siyasa da dattawa sun halarci bikin daurin auren yar Sanata Barau Jibrin a birnin Abuja.

An daura auren ne tsakanin iyalan Sanata Barau da na tsohon Sarkin Bichi, Nasir Ado Bayero a masallacin Abuja.

Asali: Legit.ng