Gwamnan Kano, Abba Gida Gida Ya Naɗa Muƙamai Sama da 20 a Ɓangarori 3

• Gwamnatin Kano ta yi sababbin naɗe-naɗe a muhimman guraben tafiyar da al'amura a jihar
• An yi naɗin a ɓangarorin shari'a, zakka da hubusi da kuma hukumar ma'aikatan jihar Kano
• Gwamnati ta shawarci sababbin ma'aikatan da su tabbatar sun sauke nauyin da ya rataya a wuyansu

A'isha Ahmad edita ce a sashen Hausa na Legit. Tana da ƙwarewa wajen rubutun labarai da rahotanni tsawon shekaru uku. Ta kware a kawo rahotannin, al'amuran da su ka shafi mata da yara da siyasa.

Jihar Kano – Gwamna Abba Kabir Yusuf na Kano ya naɗa muhimman muƙamai aƙalla 13 a ɓangarorin ma'aikata, shari'a da hukumar zakka da hubsi.

Gwamnatin ta bayyana cewa an yi naɗe-naɗen ne bisa tsarin doka, kamar yadda aka sahalewa gwamnan jihar ya aiwatar.

A sakon da darakta janar ga gwamnan a kan yaɗa labarai, Sanusi Bature Dawakin Tofa ya fitar a shafinsa na Facebook, an naɗa mukamai aƙalla 23 a ɓangarori daban-daban.

Kara karanta wannan

Gwamna Radda ya yi sababbin nade nade a gwamnatin jihar Katsina

Naɗe-naɗen gwamna Abba a ɓangaren ma'aikata

Gwamna Abba Kabir Yusuf ya naɗa mutane uku muƙamai a hukumar ma'aikatan gwamnatin jihar Kano.

Mutanen da aka naɗa sun haɗa da;

1. Injiniya Ahmad Ishaq – Shugaban hukuma 2. Alhaji Abdullahi Mahmoud – Babban mamba I 3. Ado Ahmed Mohammed – Babban mamba II

Shari'a: Gwamna Abba ya naɗa mutum 10

Mutane 10 da Injiniya Abba Kabir Yusuf ya naɗa mukamai a hukumar shari'a ta jihar sun haɗa da;

Sheikh Abbas Abubakar Daneji – Shugaban hukuma Malam Hadi Gwani Dahiru – Kwamishina na I Sheikh Ali Dan’Abba – Kwamishina na II Malam Adamu Ibrahim – Mamba Malam Abubakar Ibrahim Mai Ashafa – Mamba Malam Naziru Saminu Dorayi – Mamba Sheikh Kawu Aliyu Harazumi – Mamba Sheikh Mukhtar Mama – Mamba Sheikh Ibrahim Inuwa Limamin Ja’en – Mamba Sheikh Dr. Sani Ashir – Sakataren Hukuma/Mamba

Hukumar Zakka: Abba Gida Gida ya yi naɗi

A hukumar zakka da hubsi ma, gwamnatin Kano ta naɗa mutane 10 muƙaman da su ka haɗa da Barista Habibu Dan Almajiri a matsayin shugaban hukumar, Sheikh Nafiu Umar Harazumi, kwamishina na I. An naɗa Dr. Ali Quraish kwamishina II, Abdullahi Sarkin Sharifai da Adamu Muhammad Andawo. Sauran sun haɗa da Yahaya Muhammad Kwana Hudu memba, Sheikh Hassan Sani Kafinga memba, Sheikh Arabi Tudun-Nufawa memba, Sani Shariff Umar Bichi memba da kuma gurbin muƙamin sakatare.

Kara karanta wannan

Ma'aikacin asbiti ya yi tsintuwar N40m, ya maidawa mai su a Kano

Abba Gida Gida zai biya kudin makaranta

A baya, kun ji cewa gwamnatin Kano ta ɗauki alkawarin ceto shaidar kammala karatun ɗaliban jihar da aka kai karatu kasar Cyprus a zamanin Abdullahi Ganduje.

Gwamnan ne da kansa ya ziyarci Cyprus domin tattaunawa da hukumomin jami'ar da daliban su ka kammala karatu tare da cimma matsaya don sakin shaidar karatun.

Muhammad Malumfashi, babban edita a sashen Hausa na Legit ya duba labarin.

Asali: Legit.ng