Ana Shirin Sallar Juma'a, Tagwayen Bama Bamai Sun Tarwatse a Ranar Kasuwa

• Wasu bama bamai guda uku sun fashe a jihar Zamfara, a lokacin da 'yan kasuwa ke shirin cin kasuwar Juma'a
• Wannan shi ne karo na uku da bam ya fashe kan titin da matafiya ke bi, lamarin da ke tsoaratar da jama'a
• Rahotanni sun bayyana cewa ana zargin 'yan ta'addan sun dasa bama-bamai a yankin Maru da ke Dan Sadau

A'isha Ahmad edita ce a sashen Hausa na Legit. Tana da ƙwarewa wajen rubutun labarai da rahotanni tsawon shekaru uku. Ta kware a kawo rahotannin, al'amuran da su ka shafi mata da yara da siyasa.

Jihar Zamfara - Jama'a a Zamfara sun shiga hargitsi bayan an sake samun tashin bama-bamai a wurare daban daban a jihar.

Lamarin ya afku a ranar Juma'a a garin Dan Sadau da ke karamar hukumar Maru, a lokacin da ake shirin gudanar da sallar Juma'a.

Jaridar Premium Times ta ruwaito cewa bama-baman sun tashi a hanyoyin Dansadau da Malamawa da titin Malele duk a yankin Dan Sadau.

Kara karanta wannan

Sanusi II na shirin fita zuwa Bichi, jami'an tsaro sun mamaye fadar sarkin Kano

Bama bamai sun fashe a jihar Zamfara

Jaridar Daily Trust ta wallafa cewa wannan shi ne karo na uku da bam ya fashe a Zamfara, wanda ya kara ta'azzara matsalar tsaro da jihar ke fuskanta.

Wani mazaunin garin, Nuhu Babangida, ya bayyana cewa wasu fasinjoji sun taho wucewa kasuwar Juma'a da ke ci a garin a lokacin da bam ya tashi da su.

Zamfara: Masallata sun fuskanci harin bam

Har yanzu ba a samu cikakken rahoton samun rasa rayuka a harin bam da ya tashi a titunan Zamfara a ranar Juma'ar nan.

Sai dai an samu rahoton cewa, direban motar ya samu ya tsira da ransa bayan motar da ya dauko a makare da hatsi ya tarwatse.

Bama baman da su ka tashi a yankunan Malamawa da titin Malele ba su jawo asarar rayuka ba.

Bam ya tashi a kauyen Zamfara

A wani labarin, kun ji cewa wani abu da ake zargin bam ne ya tashi a Zamfara, yayin da mutane akalla 12 su ka rasa rayukan a hanyarsu ta zuwa, a yankin Dan Sadau.

Kara karanta wannan

Mata ta jawo kotu ta tasa keyar dan takarar gwamna da mutane 3 gidan kaso, ta jero dalilai

Jama'ar garin sun nemi daukin gwamnati domin dakile hare-haren 'yan ta'addan, sannan an shawarci jama'a da su tabbata su na yin taka tsan-tsan idan su na tafiye-tafiya.

Muhammad Malumfashi, babban edita a sashen Hausa na Legit ya duba labarin.

Asali: Legit.ng