Tsofaffin Sojoji Sun Rufe Ma'aikatar Kudi a Abuja, Sun Fadi Bukatunsu

• Tsofaffin sojojin da suka yi ritaya sun rufe ma'aikatar kuɗi da ke Abuja a safiyar ranar Alhamis, 5 ga watan Disamban 2024
• Wadannan dattawan sun nuna damuwarsu kan yadda gwamnatin tarayya ta gaza biyansu haƙƙokinsu har na tsawon watanni
• Tsofaffin sojojin dai na neman a biya su kuɗaɗensu da suka shafi ƙarin albashi da wasu alawus-alawus da ya kamata a ce suna samu

Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi

FCT, Abuja - Wasu daga cikin tsofaffin sojojin Najeriya da suka yi ritaya a ƙarƙashin gamayyar ƙungiyar ƴan fansho na soja a Abuja, sun rufe ma’aikatar kuɗi ta tarayya a safiyar ranar Alhamis.

Tsofaffin sojojin sun kulle ma'aikatar kuɗin ne saboda ƙin biyan su ƙarin albashi na kaso 20% zuwa 28% daga watan Janairu zuwa watan Nuwamban 2024.

Tsofaffin sojojin waɗanda da suka yi ritaya da suka fito daga ƙungiyoyi daban-daban sun koka da yadda gwamnatin tarayya ta gaza biyansu haƙƙoƙinsu, cewar rahoton tashar Channels tv.

Kara karanta wannan

DHQ ta bayyana nasarorin da sojoji suka samu kan 'yan ta'adda a cikin shekara 1

Waɗanne buƙatu suke so a biya musu?

Buƙatun sojojin sun haɗa da biyan kuɗaɗen tallafi daga watan Oktoba 2023 zuwa Nuwamban 2024 da ƙarin N32,000 da aka yi musu a kuɗin fansho.

Sauran su ne biyan kuɗaɗen alawus na SDA a dunƙule da dawo da kuɗaɗen da aka cire na sojojin da ke da rashin lafiya da sauransu.

Tsofaffin sojoji sun yi zanga-zanga a Abuja

Jaridar Daily Trust ta rahoto cewa ko a ranar Laraba, sai da tsofaffin sojojin suka gudanar da zanga-zanga a gaban ofishin ma'aikatar kuɗin.

Shugaban ƙungiyar Anthony Agbas, ya koka kan yadda aka bar su cikin wahala a tsawon shekaru, ba tare da haƙƙoƙinsu ba.

"An gaya mana cewa an daɗe da amincewa a fitar da kuɗaɗen, amma har yanzu ba a ba mu komai ba."

- Anthony Agbas

Rundunar sojoji ta cafke wasu jami'ai

A wani labarin kuma, kun ji cewa rundunar sojojin Najeriya ta nuna fushinta kan cin zarafin wasu fararen hula da wasu jami'anta suka yi a jihar Legas.

Kara karanta wannan

Bayan ficewar 'dan takarar gwamna, 'yan majalisun LP sun koma jam'iyyar APC

Ta bayyana cewa ta gudanar da bincike kan lamarin da ya auku kuma za a ɗauki matakin da ya dace a kan jami'an sojojin.

Muhammad Malumfashi, babban edita a sashen Hausa na Legit ya duba labarin.

Asali: Legit.ng