Labarai

Tsofaffin sojoji da su ka zama sarakuna a Arewa

Lahadi, Afirilu 09, 2017 at 10:37 Safiya daga Muhammad Malumfashi 1 - tsawon mintuna

– A da can ‘yan gidan sarauta sun rika shiga aikin soji

– Irin su Janar Hassan Katsina ‘yan gidan sarauta ne

– An samu wasu daga ciki da su ka koma rawani bayan ajiye khaki

Tsofaffin Sojoji da su ka zama Sarakuna a Arewa — Sarkin Musulmi tsohon Soja ne a da

Legit.ng ke cewa a zamanin da can ‘Yan gidan Sarauta sun rika shiga aikin Soji wanda ake gani da martaba. An kuma dace an samu wasu daga ciki da su ka koma rataya rawani bayan sun ajiye khakin Soji.

A wani nazari da Jaridar Daily Trust tayi ta kawo da dama daga ciki, mun tsakayo wasu a nan:

1. Alhaji Sa’ad Abubakar III

Mai alfarma Sarkin Musulmi Soji ne asalin sa wanda ya kai har matsayin Janar. Birgediya-Janar ya ajiye aiki ne a shekarar 2006, bayan nan ya gaji sarutar gidan su ya zama Sultan na Sokoto.

KU KARANTA: An damke wani Dan ta'adda Dan Najeriya

2. Alhaji Muhammad Sami Sani

Mai martaba Sarkin Zuru babban ya shiga gidan Soja, wanda har ya rike mukamai ma da dama irin su GOC. Tsohon Manjo-Janar din ya koma rike da Sarautar Zuru.

3. Alhaji Garba Muhammad

Alhaji Garba mai girma Sarkin Lere ya gaji Dan uwan sa bayan ya rasu shekaru 6 da suka wuce. Sarkin tsohon Birgediya Janar na Soja ne wanda har ya taba rike Gwamnan Jihar Sokoto.

Ku same mu a https://www.facebook.com/naijcomhausa

Ko a http://twitter.com/naijcomhausa

Jawabin Sarkin Kano kwanaki a Kaduna

Asali: Legit.ng

Authors:

Muhammad Malumfashi (Hausa writer) M. Malumfashi ya samu Digirin farko a ilmin komfuta a ABU Zaria. Baya ga haka ya yi Digirgir a fannin kula da bayanai da wani Digirgir a ilmin aikin jarida duk daga jami'ar. Malumfashi ya kan kawo labaran siyasa, addini, wasanni da al’ada. Ya halarci taron karawa juna sani iri-iri. Imel: muhammad.malumfashi@corp.legit.ng