Gwamnan Kaduna Ya ba Ƴan Bindiga Kuɗi Domin Su Tuba? Gaskiya Ta Bayyana
- Gwamna Uba Sani na jihar Kaduna ya tabbatar da cewa ko kwandala ba su ba ƴan bindiga da nufin su ajiye makamai ba
- Malam Uba Sani ya share wannan tantama ne kwana ɗaya tal bayan gwamnatin Kaduma ta karɓi rukunin farko na tubabbun ƴan bindiga
- Gwamnatin ta kuma buɗe wata kasuwar shanu da ta shafe shekaru 10 a rufe saboda matsalar tsaro a ƙaramar hukumar Birnin Gwari
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum
Kaduna - Gwamnan jihar Kaduna, Malam Uba Sani ya ce ba su ba ƴan bindiga ko Naira da nufin su tuba su ajiye maƙamai ba.
Uba Sani ya kuma yi fatali da raɗe-raɗin da ake cewa gwamnatinsa na iya zaman sulhu da tubabbun ƴan bindiga domin a samu zaman lafiya.
Asali: Facebook
Gwamnan ya bayyana hakan ne da yake jawabi a wata hira da gidan talabijin na Channels tv a shirin siyasa a yau.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Gwamnan Kaduna ya karɓi tubabbun miyagu
Wannan hira na zuwa ne sa'o'i 24 bayan gwamnatin Kaduna ta karɓi wasu ƴan bindiga da suka tuba suka ajiye makamansu.
Da aka tambaye shi ko gwamnatin Kaduna ta cakewa ƴan bindigar wasu kuɗaɗe kafin su amince da miƙa wuya, Malam Uba Sani ya ce:
"Ba mu ba su ko Naira ɗaya ba, babu batun da ya shafi kuɗi a lamarin gaba ɗaya, galibinsu da ma sun gaji.
"Abin da muka yi mun zaunar da su, muka tambaye su meyasa kuka zaɓi zama a jeji, kuna farmakar mutane kuna sace su?"
A ranar Alhamis da ta gabata, gwamnatin jihar Kaduna karkashin Malam Uba Sani ta karbi rukunin farko na tubabbun ‘yan bindiga a ƙaramar hukumar Birnin-Gwari.
Uba Sani ya buɗe kasuwa bayan shekara 10
Gwamnatin ta kuma buɗe kasuwar shanu, wacce aka rufe kusan shekaru 10 da suka wuce saboda matsalar tsaron da ta addabi yankin.
Sao dai a yanzu, Malam Uba Sani ya ce ko Naira ba su ba waɓi ɗan bindiga domin jawo ra'ayinsa ya ajiye makamai, rahoton Daily Trust.
Yan bisiga sun nemi fansar N300m a Kaduna
Kuna da labarin ƴan bindigan da suka sace wasu yara a Kaduna sun tuntuɓi mahaifinsu domin ya ba su kuɗin fansa kafin su sake shaƙar iskar ƴanci.
Hatsabiban ƴan bindigan sun buƙaci a ba su N300m a matsayin kuɗin fansa kafin su saki yaran da aka dauke a ƙaramar hukumar Chikun.
Asali: Legit.ng
