'Yan Bindigan da Suka Sace Yara a Kaduna Sun Fadi Kudin Fansan da Suke So
- Ƴan bindigan da suka sace wasu yara a Kaduna sun tuntuɓi mahaifinsu domin ya ba su kuɗin fansa kafin su sake shaƙar iskar ƴanci
- Hatsabiban ƴan bindigan sun buƙaci a ba su N300m a matsayin kuɗin fansa kafin su saki yaran waɗanda suka yi garkuwa da su a ƙaramar hukumar Chikun
- Mahaifin yaran ya nuna damuwar cewa ƴan bindigan sun fara yin barazanar kashe yaran idan ba a kai musu kuɗaɗen ba
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Editan Legit Hausa, Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi
Jihar Kaduna - Ƴan bindigan da suka sace wasu yara a Kaduna sun bayyana kuɗin fansan da za a ba su.
Masu garkuwa da mutanen sun kira mahaifin yaran da suka sace inda suka buƙaci a ba su N300m, kafin su saki yaran.
Asali: Original
Ƴan bindiga sun yi barazana
Daily Trust ta rahoto cewa masu garkuwa da mutanen sun yi barazanar kashe ɗan ƙarami daga cikin yaran saboda kukan da yake yi.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Sun kuma shaidawa mahaifin yaran mai suna Adamu, cewa ko dai ya biya kuɗin fansan ko kuma su kashe su.
Adamu, wanda yake zaune a Keke A, ƙaramar hukumar Chikun, ya bayyana cewa ƴan bindigan sun yi wa yaran duka saboda ya roƙe su kan kuɗin fansan da suka buƙata.
"Sun kira ni, sun buƙaci a ba su N300m, lokacin da na roƙe su, ina ji suna dukan yaran. Ina buƙatar addu'a."
- Adamu
An dai sace yaran ne bayan mahaifinsu ya fita gida a daren ranar Talata domin zuwa wajen mahaifiyarsu da ke kula da tagwayensu da aka kwantar a asibiti.
Ƴan bindiga sun kashe wani dattijo
A wani labarin kuma, kun ji cewa ƴan bindiga masu garkuwa da mutane sun sace wani dattijo mai shekaru 85, mai suna Deh Idi Dakum a jihar Plateau da ke yankin Arewa ta Tsakiya.
Rahotanni sun bayyana cewa lamarin ya faru ne a ƙauyen Matelem a ƙaramar hukumar Bokkos ta jihar Plateau.
Miyagun ƴan bindigan sun hallaka dattijon bayan sun karɓi kuɗin fansa daga hannun iyalansa.
Asali: Legit.ng
