Kaduna: Shugaban Kungiyar Nasril Islam Ya Riga Mu Gidan Gaskiya Yana da Shekaru 93

• Fitaccen malami kuma shugaban kungiyar Jama’atu Nasril Islam (JNI) ya riga mu gidan gaskiya a jihar Kaduna
• Marigayin mai suna Jafaru Makarfi ya rasu ne a daren jiya Asabar 23 ga watan Nuwambar 2024 yana da shekaru 93
• Rahotanni sun tabbatar da cewa za a yi sallar jana'izar marigayin a yau Lahadi 23 ga watan Nuwambar 2024 a masallacin Sultan Bello

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

Jihar Kaduna - An shiga jimami bayan sanar da rashin babban malamin kuma shugaban kungiyar JIN, Jafaru Makarfi a jihar Kaduna.

Marigayin ya rasu ne a daren jiya Asabar 23 ga watan Nuwambar 2024 a Kaduna yana da shekaru 93 a duniya.

Malamin Musulunci ya rasu a Kaduna

Wannan na kunshe ne a cikin wata sanarwa da daya daga cikin iyalansa, Suleman Abdulkadir ya fitar, cewar Premium Times.

Kara karanta wannan

An shiga jimami da tsohon sanata a Kano ya riga mu gidan gaskiya

Abdulkadir wanda shi ne Garkuwan Zazzau ya ce marigayin kafin rasuwarsa ya rike shugabancin kungiyar Jama’atu Nasril Islam (JNI) a Kaduna.

Garkuwan Zazzau ya sanar da cewa marigayin ya rasu ne a daren jiya Asabar 23 ga watan Nuwambar 2024.

Rahotanni sun tabbatar da cewa marigayin kafin rasuwarsa ya rike mukamin kwamishina a tsohuwar jihar Kaduna, cewar Daily Post.

An sanar da lokacin sallar jana'izar marigayin

"Tsohon ma'aikaci ne a ma'aikatar sufurin jiragen kasa (NRC) inda ya fara aiki a shekarar 1950 kuma ya shafe shekaru 40."

"Marigayin ya rasu ya bar iyalansa da 'ya'ya shida, muna tura sakon ta'aziyya ga iyalansa da JNI da al'ummar Musulmi da abokan arziki."

- Suleman Abdulkadir

Abdulkadir ya tabbatar da cewa za a yi sallar jana'izarsa a yau Lahadi da misalin karfe 1.00 na rana a masallacin Sultan Bello da ke Kaduna.

Tsohon sanata a Kano ya kwanta dama

Kun ji cewa fitaccen dan siyasa a jihar Kano, Sanata Aminu Inuwa ya riga mu gidan gaskiya bayan fama da jinya.

Kara karanta wannan

Gobara ta lakume azuzuwa a Niger, an zargi mashaya tabar 'wiwi' da sanadinta

Marigayin ya rike muƙamin sanata a jamhuriya ta uku karkashin jam'iyyar SDP bayan rasa tikitin takarar gwamna.

Rahotanni sun tabbatar da cewa marigayin ya rasu ne a ranar Juma'a 22 ga watan Nuwambar 2024 yana da shekaru 79.

Asali: Legit.ng