'Akwai Yunwa': Tinubu Ya Magantu daga Brazil, ya ba Yan Kasa Satar Amsar Shirinsa

• Shugaba Bola Tinubu ya kwantarwa yan Najeriya hankali kan halin kunci da yunwa da ake ciki inda ya dauka musu alkawura
• Tinubu ya fadi haka a birnin Rio de Janeiro da ke Brazil inda ya tabbatar ya san akwai yunwa a kasa amma za a caba nan kusa
• Shugaban ya sha alwashin kawo karshen karancin abinci da kuma rikicin manoma da makiyaya da ke da matukar tasiri

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

Rio de Janeiro, Brazil - Shugaban kasa, Bola Tinubu ya yi magana kan halin kunci da yunwa da ake ciki a Najeriya.

Shugaban ya ce tabbas akwai yunwa a kasa amma kuma akwai haske a gaba saboda wasu tsare-tsare da yake dauka domin kawo karshen matsalolin.

Tinubu ya fadi hanyar kawo sauyi a Najeriya

Kara karanta wannan

An shiga fargaba, ana zargin harin sojoji kan yan ta'adda ya hallaka bayin Allah

Wannan na kunshe ne a cikin wata sanarwa da hadiminsa a bangaren sadarwa, Bayo Onanuga ta wallafa a shafinsa na X.

Tinubu ya fadi haka ne yayin taro a kasar Brazil inda ya ce akwai wasu hanyoyi da yake bi domin inganta Najeriya da kawo karshen matsalolin da take fuskanta.

Shugaban ya kuma fadi yadda yake kokarin shawo kan matsalolin ƙarancin abinci da kuma rigimar manoma da makiyaya.

Tinubu ya tabbatar akwai yunwa a Najeriya

"Muna kokarin mayar da halin kunci da ake ciki da rashin tabbas zuwa inganta tattalin arziki da damarmaki a cikinsu"

"Za mu yi duba zuwa matsalolin da muke da su a kasar domin kawo damarmaki da ke ciki."

"Samar da abinci yana da matukar muhimmanci, a yanzu da muke magana akwai yunwa amma akwai haske a gaba wanda kowa zai shaida a hakan."

- Bola Tinubu

Tinubu ta sake ciwo bashin makudan kudi

Kara karanta wannan

Kwankwaso da wasu manyan Arewa da suka nuna adawa da kudirin harajin Tinubu

Kun ji cewa Gwamnatin Tarayya ta samu rancen $500m daga Bankin Duniya domin inganta ayyukan kamfanonin rarraba wuta (Discos).

Kudin zai tafi wajen gyara layukan wuta, kara karfin na'urori, da siyan mitoci don inganta rarraba wutar lantarki a kasar.

Kamfanin TCN ya bayyana yadda kudaden za su taimaki kamfanonin rarraba wutar da kuma daidaituwar wutar a fadin kasar.

Asali: Legit.ng