Dan Majalisar APC Ya ba 'Yan Siyasa Shawara kan Mutanen da Suke Wakilta
- Ɗan majalisar wakilai na jam'iyyar APC ya tunatar da ƴan siyasa kan sauke nauyin mutanen da suke wakilta da ke kansu
- Sulaiman Abubakar mai wakiltar Gummi/Bukkuyum ya buƙaci ƴan siyasa su taimaki mutanensu ba sai sun jira zuwan lokacin zaɓe ba
- Ɗan majalisar ya nuna cewa ya kamata ƴan siyasa su kasance masu yin adalci ga kowa da kowa a kodayaushe
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi
Jihar Zamfara - Ɗan majalisar wakilai na APC daga jihar Zamfara, Sulaiman Abubakar, ya ba ƴan uwansa ƴan siyasa shawara.
Ɗan majalisar na jam'iyyar APC ya buƙaci ƴan siyasa ka da su jira sai lokacin zaɓe domin tallafawa mutanen da suke wakilta.
Asali: Facebook
Ɗan majalisa ya samu tarba a APC
Sulaiman Abubakar, mai wakiltar Gummi/Bukkuyum na jihar Zamfara, ya bayyana hakan ne a ƙarshen makon da ya gabata, cewar rahoton jaridar The Cable.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Ya yi jawabin ne a wani taron gangami da aka shirya domin yi masa maraba zuwa jam’iyyar APC, rahoton Vanguard ya tabbatar.
A watan Oktoba, ɗan majalisar ya fice daga PDP zuwa APC saboda abin da ya kira rikicin cikin gida da ya addabi jam'iyyar.
Wace shawara 'dan majalisa ya ba ƴan siyasa?
"Na yi mamakin tarbar da mutanena suka yi mani saboda idan ka sauya sheƙa zuwa wata jam'iyya, ina tunanin wasu ba za su bi ka ba, amma a wannan karon gaba ɗaya garin ne ya biyo ni muka koma APC daga PDP. Wannan abin farin ciki ne."
"Saƙon da na gaya musu shi ne siyasa ta jama'a ce. Abu ne da ya shafi wakiltar mutane, yi wa jama'a abin da ya dace tare da yin adalci ga kowa da kowa. "
"Wannan shi ne saƙon da na ke gayawa ƴan siyasa a yankina. Hanyar ci gaba ita ce ba sai an jira lokacin zaɓe ya zo ba a raba kuɗi."
- Sulaiman Abubakar
Ganduje ya magantu nasararorin APC
A wani labarin kuma, kun ji cewa shugaban APC na ƙasa, Abdullahi Umar Ganduje, ya yi magana kan nasarorin da jam'iyyar ke ci gaba da samu.
Ganduje ya yi hasashen cewa yadda jam’iyyar APC ke ƙara samun karɓuwa a ƙasar nan alama ce da ke nuna za ta daɗe tana mulki a Najeriya.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
