Bidiyon Yadda Aka Cafke Wani Likita da Ke Yiwa ‘Yan Bindiga Magani a Jihar Katsina

• A wani sabon ci gaba da aka samu, jami'an tsaro sun cafke wani likita da ke yiwa 'yan bindiga magani a garuruwan jihar Katsina
• An rahoto cewa likitan mai suna Rabe, ya na jinyar duk wani dan bindiga da aka jiwa rauni a karamar hukumar Batsari da kewaye
• Likitan wanda ya amsa laifinsa ya ce yana ziyartar sansanonin 'yan bindigar domin duba lafiyar wadanda aka yiwa rauni

Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida

Katsina - Dubun wani likita mai harhada magunguna ya cika yayin da jami'an tsaro suka tsananta kai hare-hare kan 'yan ta'adda a jihar Katsina.

Rahoto ya nuna cewa jami’an tsaro a jihar Katsina sun kama mai harhada magungunan da ake zargin yana yiwa 'yan bindiga magani idan sun ji rauni.

Katsina: An cafke likitan 'yan bindiga

Kara karanta wannan

Matashi ya haɗa baki da yan bindiga don garkuwa mahaifiyarsa a Katsina

Mai sharhi kan lamuran tsaro a yankin Tafkin Chadi, Zagazola Makama ne ya wallafa labarin a shafinsa na X a daren ranar Juma'a, 15 ga Nuwamba.

Zagola Makama ya wallafa bidiyon likitan, a lokacin da ya ke amsa tambayoyi daga jami'an tsaron da suka kama shi.

Rahoton Makama ya yi nuni da cewa ‘yan bindigar da likitan ke yiwa magani ne ke ake zargin suna addabar karamar hukumar Batsari da kewaye.

Wanda ake zargin, mai suna Rabe, an ce ya amsa laifin da ake zarginsa da shi na jinyar duk wani dan bindigar da ya jikkata a yankin.

Likitan 'yan bindiga ya amsa laifinsa

A cewar majiyoyin, ya yi ikirari cewa ya kan kai ziyara maboyar ‘yan ta’addan domin ba da kulawa ga wadanda suka samu raunuka yayin arangama ko farmaki.

An rahoto cewa Rabe ya shaida wa jami’an tsaro cewa, yana bayar da magunguna da kuma jinyar ‘yan bindigar a duk lokacin da suka samu raunuka.

Kara karanta wannan

'A watsar da kundin mulkin 1999': An bayyana yadda za a magance matsalolin Najeriya

An ce ayyukan da ya ke yi ne ke baiwa ‘yan bindigar damar murmurewa tare da ci gaba da gudanar da ayyukansu na ta'addanci a yankin.

Kalli bidiyon a nan:

Asali: Legit.ng