'Ni ba Dan Adam ba ne?' Sheikh Dutsen Tanshi Ya Soki Gwamna kan Yaran da Aka Tsare
- Malam Idris Abdulaziz Dutsen Tanshi ya dawo kan Gwamnan Bala Mohammed na jihar Bauchi kan take hakkin al'umma
- Shehin malamin ya caccaki gwamnan kan tsoma baki a lamarin yaran da aka tsare na tsawon watanni a Abuja
- Malamin ya ce watau a ba su dama su fadi albarkacin bakinsu amma shi lokacin da ya yi magana aka daure shi da cin mutunci
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.
Jihar Bauchi - Sheikh Idris Abdulaziz Dutsen Tanshi ya yi magana kan yaran da Gwamnatin Tarayya ta sako kan zanga-zanga.
Malamin ya soki gwamnan Bauchi, Sanata Bala Mohammed kan tsoma baki a lamarin yancin yaran.
Asali: Facebook
Dutsen Tanshi ya soki gwamna a Najeriya
Sheikh Idris Abdulaziz ya bayyana haka ne a hudubar Juma'a da ya wallafa bidiyon a shafin Facebook.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Shehin malamin ya ce abin kunya ne yadda gwamnan yake magana kan cewa yaran suna da yancin fadar albarkacin bakinsu.
Sheikh Idris Dutsen Tanshi ya koka kan cafke shi da gwamnan nya yi da korarda a Bauchi kan fadin albarkacin bakinsa a baya.
Sheikh ya koka kan zaluntarsa da aka yi
"Ashe cin dinya ma har da su kaza? yaran nan da aka tsare su tsawon watanni uku, sai gwamnan ku ya yi magana da ce yaran nan an take musu hakki a bar dan Najeriya ya fadi albarkacin bakinsa."
"Shi Idrisu ba albarkacin bakinsa ya fada ka daure shi ba wata da watanni?ka ci masa mutunci ka tozarta shi ka kore shi a Bauchi watau shi kam ba dan Adam ba ne bai da samar fadin albarkacin bakinsa."
"Watau ni ba ni damar fadar albarkacin baki saboda na fada maka gaskiya kan mukin rashin adalci da kake yi, yanzu kana neman shugaban kasa shi ne ka ke maganar albarkacin baki."
- Sheikh Idris Abdulaziz Dutsen Tanshi
Dutsen Tanshi ya magantu kan zaben Amurka
Kun ji cewa Idris Abdulaziz Dutsen Tanshi ya yi tsokaci game da zaben kasar Amurka da aka gudanar a farkon makon nan.
Malamin addinin musuluncin ya na ganin nasarar Donald Trump tattare da ke da darusa ga talakawa da 'yan siyasa.
Asali: Legit.ng
