Zanga Zanga: 'Yan Majalisa Sun Mika Bukata wajen Gwamnati kan Yaran da Aka Tsare

• Ƙungiyar marasa rinjaye na majalisar wakilai ta yabawa Bola Tinubu kan ba da umarnin sakin yaran da aka tsare kan zanga-zanga
• Ƴan majalisar tarayyar sun buƙaci a hukunta duk masu hannu a tsare yaran ba bisa ƙa'ida ba na tsawon kwanaki
• Sun kuma buƙaci a biya diyya ga yaran domin rage musu raɗaɗin wahalar da suka sha a lokacin da suke a tsare

Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi

FCT, Abuja - Ƙungiyar marasa rinjaye na majalisar wakilai ta yi magana kan sakin yaran da aka tsare saboda shiga zanga-zanga.

Ƴan majalisar sun buƙaci a biya diyya ga ƙananan yaran waɗanda aka tsare bisa zargin shiga zanga-zangar #EndBadGovernance.

Hakan na ƙunshe ne a wata sanarwa mai ɗauke da sa hannun shugaban marasa rinjaye na majalisar, Kingsley Chinda da mataimakinsa, Aliyu Sani Madakin Gini, cewar rahoton jaridar The Punch.

Kara karanta wannan

"Kun yi bajinta": Gwamnatin tarayya ta fadi halin 'yan Najeriya da ya cancanci yabo

Me ƴan majalisa suka ce kan tsare yara?

Ƴan majalisar sun buƙaci a gudanar da bincike kan abubuwan da suka faru dangane da cafkewa da zargin azabtar da ƙananan yaran masu zanga-zangar, rahoton jaridar TheCable ya tabbatar.

Ƙungiyar ta kuma yabawa shugaban ƙasa Bola Tinubu bisa bayar da umarnin a gaggauta sakin yaran waɗanda rundunar ƴan sandan Najeriya ta tuhume su da laifukan ta’addanci da cin amanar ƙasa.

"Dole a hukunta duk wani mutum ko wata hukuma da ke da alhakin tsare waɗannan yaran na kusan kwanaki 95 a lokacin da ya kamata a ce su na makaranta ko wajen koyon sana'o'i, domin zama kashedi ga saura."

"Duba da irin wahala da ƙalubalen rashin lafiya da yaran suka fuskanta, muna kira da a ba su cikakkiyar kulawa ta fannin lafiyarsu yayin da aka mayar da su wajen iyalansu."

Kara karanta wannan

'Yan bindiga sun sake kai mummunan hari, sun kashe bayin Allah ta hanya mai muni

"Muna kuma kiran da a gaggauta ba yaran da iyalansu diyya domin rage musu wahala, raɗadi da ƙuncin da suka shiga a lokacin da ake tsare da su ba bisa ƙa'ida ba."

- Hon. Kingsley Chinda

Gwamna ya tarbi yaran da aka tsare

A wani labarin kuma, kun ji cewa gwamnatin jihar Kaduna ta karbi bakuncin yara 39 da aka sako daga Abuja kan zargin zanga-zanga.

Mai girma Gwamna Uba Sani shi ya karbi yaran inda aka yi nasarar hada su da iyayensu bayan shigowa jihar Kaduna a makon nan.

Muhammad Malumfashi, babban edita a sashen Hausa na Legit ya duba labarin.

Asali: Legit.ng