Yan Bindiga Sun Yi Ta'asa, Sun Bindige Dan Sanda, Sun Sace Yan Kasashen Waje
- Wani sifetan dan sanda ya rasa ransa yayin da yan bindiga suka kai wani karamin hari a Rivers a Kudancin Najeriya
- Maharan sun kai hari ne a sansanin Quarry da ke karamar hukumar Akamkpa a ranar Alhamis 7 ga watan Nuwambar 2024
- Rundunar yan sanda ta tabbatar da faruwar lamarin inda ta ce bayan kisan dan sanda an sace wasu mutanen kasar China
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.
Jihar Rivers - Yan bindiga sun kai kazamin hari a ƙaramar hukumar Akamkpa da ke jihar Rivers inda suka hallaka wani dan sanda.
Yayin harin, maharan sun yi ajalin sufetan san sanda tare da awon gaba da wasu yan kasar China guda biyu.
Asali: Twitter
Yan bindiga sun sace yan China 2
Premium Times ta ruwaito cewa maharan sun kai harin ne a yammacin jiya Alhamis 7 ga watan Nuwambar 2024.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Kakakin rundunar yan sanda, SP Nelson Okpabi ya tabbatar da faruwar lamarin ga manema labarai a yau Juma'a a birnin Calabar.
Okpabi ya ce an sace yan kasar China biyu tare da wani dan Najeriya guda daya bayan kisan dan sandan, cewar Daily Post.
Sanarwar ta ce maharan sanye da kayan sojoji sun tafi da bindiga kirar AK-47 na dan sandan da suka hallaka.
Yan sanda sun sha alwashi kan yan bindiga
Rundunar ta ce yan bindiga sun samu shiga sansanin Quarry bayan sakacin wani ma'aikacin wurin.
Sai dai mataimakin sifetan yan sanda a yankin, Jonathan Towuru ya umarci kaddamar da bincike kan lamarin.
Towuru ya sha alwashin zakulo yan bindigan tare da tabbatar da cewa sun fuskanci hukunci daidai da laifinsu.
Ambaliya ya tarwatsa mutane a Rivers
Kun ji cewa mutane masu yawa sun rasa matsugunansu bayan an samun ambaliyar ruwa a ƙaramar hukumar Obio/Akpor ta jihar Rivers.
Jama'a sun koka da cewa ambaliyar ruwan ta tilasta musu barin gidajensu bayan macizai sun mamaye inda suke rayuwa ta ko ina a yankin.
Mutanen da ke yankin Rumaholu-Nkpolu sun yi kira ga gwamnatin jihar kan ta gina musu magudanun ruwa domin kare faruwar hakan a gaba.
Asali: Legit.ng
