Gwamna Ya Faranta Ran Ma'aikata, Ya Amince da Mafi Karancin Albashin N80,000
- Gwamnatin Oyo ƙarƙashin jagorancin Seyi Makinde, ta faranta ran ma'aikatan jihar ta hanyar amincewa da sabon albashi
- Mai girma Gwamna Seyi Makinde ya amince da N80,000 a matsayin ƙarancin albashin da zai biya ma'aikata gwamnati a jihar
- Amincewar da gwamnan Oyo ya yi ta biyo bayan kammala aikin da kwamitin da aka kafa kan mafi ƙarancin albashin ya yi
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi
Jihar Oyo - Gwamnatin Oyo ƙarƙashin jagorancin Gwamna Seyi Makinde ta amince da sabon mafi ƙarancin albashi ga ma'aikatan jihar.
Gwamna Seyi Makinde ya amince da sabon mafi ƙarancin albashin N80,000 wanda za a riƙa biyan ma’aikatan jihar.
Asali: Facebook
Makinde ya amince da mafi ƙarancin albashi
Kwamishinan yada labarai da wayar da kan jama’a, Prince Dotun Oyelade, ya bayyana hakan wata sanarwa da ya fitar ranar Laraba, cewar rahoton jaridar The Nation.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Ya ce kwamitin da gwamnatin jihar ta kafa ne ya ba da shawarar hakan kuma ya samu amincewar gwamna Seyi Makinde domin aiwatar da sabon tsarin albashin.
Ya ƙara da cewa za a fara aiwatar da sabon tsarin ne da zarar kwamitin ya kammala gyare-gyaren da yake yi, rahoton jaridar The Punch ya tabbatar.
Gwamna Makinde na gatanta ma'aikata a Oyo
Kwamishinan ya bayyana cewa jihar na biyan albashin ma’aikata ne a ranar 25 ga kowane wata tun lokacin da Gwamna Makinde ya hau mulki a shekarar 2019.
Ya kuma ce gwamnan ya fara biyan tsohon mafi ƙarancin albashi na N30,000 ana amincewa da shi shekara huɗu da suka gabata.
Kwamishinan ya ƙara da cewa gwamnan yana biyan ƴan fansho da kuɗin giratuti ba tare da jinkiri ba.
Zulum ya fara biyan albashin N70,000
Kara karanta wannan
Karancin abinci: Abubuwan da suka jefa mutane cikin yunwa da mafitarsu a Najeriya
A wani labarin kuma, kun ji cewa gwamnatin jihar Borno karkashin jagorancin Farfesa Babagana Umaru Zulum.ta tabbatar da fara biyan sabon mafi ƙarancin albashi.
Shugaban kwamitin da aka kafa kan mafi ƙarancin albashin, Dokta Babagana Mallambe, ya ce tuni ma'aikata suka fara ganin sabon albashin a asusun bankunansu.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
