'Jarumi ne': Buhari Ya Jajanta Mutuwar Lagbaja, Ya Fadi Farkon Ganinsa a Gidan Soja

• Bayan mutuwar hafsan sojoji, Janar Taoreed Lagbaja, tsohon shugaban kasa ya janatawa yan Najeriya kan rashin da aka yi
• Muhammadu Buhari ya kadu da mutuwar Taoreed Lagbaja inda ya ce tabbas an yi babban rashi a kasar Najeriya baki daya
• Buhari ya bayyana irin gudunmawar da Lagbaja ya bayar da yadda ya dauki hankalinsa a lokacin da yake mulkin Najeriya

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

Jihar Katsina - Tsohon shugaban kasa, Muhammadu Buhari ya jajanta kan mutuwar hafsan sojoji.

Muhammadu Buhari ya kadu da rasuwar Laftanar-Janar Taoreed Lagbaja, ya ce an yi rashin hazikin soja da ya mayar da hankali wurin bautawa kasa.

Kara karanta wannan

'An samu gibi': Ministan tsaro ya magantu kan rasuwar Lagbaja, ya fadi tasirinsa a tsaro

"Mun yi rashin jarumi": Buhari kan mutuwar Lagbaja

Wannan na kunshe ne a cikin wata sanarwa da tsohon hadiminsa, Bashir Ahmad ya wallafa a shafin X a yau Laraba 6 ga watan Nuwambar 2024.

A cikin sanarwar, Buhari ya ce Najeriya ta yi rashin jajirtaccen soja wanda ya bautawa kasar cikin jarumta.

Tsohon shugaban kasar ya ce ya fara sanin Lagbaja ne lokacin da yake mulki shi kuma yana rike da mukamin kwamandan sojoji.

Buhari ya ce Lagbaja ya dauki hankalinsa a lokacin duba da yadda ya rike aikinsa da muhimmanci da kuma nuna kulawa a tsaron kasa.

Buhari ya magantu kan haduwarsa da Janar Lagbaja

"Lokacin da nake mulkin Najeriya, Lagbaja a lokacin yana kwamandan sojoji ya dauki hankali na saboda jajircewarsa."

"Lagbaja ya ba da gudunmawa sosai a tsaron Najeriya musamman a Zaki da ke Benue da 'Operation Lafiya Dole a Borno."

Kara karanta wannan

Lagbaja: Muhimman abubuwa 5 a kan shugaban sojojin Najeriya da ya rasu

"Sauran sun hada da 'Operation Forest Sanity a Kaduna da Niger da Udoka a Kudu maso Gabas."

- Muhammadu Buhari

Buhari daga bisani ya yi addu'a ga mamacin da ba iyalansa hakuri tare da rokon Allah ya biya shi sadaukarwar da ya yi.

Ministan tsaro ya aika ta'aziyyar Lagbaja

Kun ji cewa Ministocin tsaro, Badaru Abubakar da Bello Matawalle sun jajanta kan mutuwar hafsan sojoji, Laftanar-janar Taoreed Lagbaja.

Ministocin sun kadu da rasuwar Laftanar-Janar Taoreed Lagbaja, suka jajantawa Bola Tinubu kan babban rashin da aka yi.

Muhammad Malumfashi, babban edita a sashen Hausa na Legit ya duba labarin.

Asali: Legit.ng