Shugaba Tinubu Ya Yi Sababbin Naɗe Naɗe a Hukumar INEC Ta Ƙasa, An Samu Bayani
- Shugaban ƙasa, Bola Ahmed Tinubu ya naɗa ƙarin kwamishinoni biyu a hukumar zaɓe mai zaman kanta ta ƙasa watau INEC
- Bola Tinubu ya naɗa Abdulrazak Yusuf Tukur a matsayin kwamishinan INEC da zai kula da shiyyar Arewa maso Yamma
- Ya kuma naɗa wanda zai maye gurbin kwamishinan INEC na jihar Ogun, wanda Allah ya yi wa rasuwa a kwanakin baya
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum
State House, Abuja - Shugaban ƙasa, Bola Ahmed Tinubu ya yi sababbin naɗe-naɗe a hukumar zaɓe mai zaman kanta ta ƙasa watau INEC.
Bola Tinubu ya naɗa Abdulrazak Yusuf Tukur a matsayin kwamishinan INEC mai kula da shiyyar Arewa maso Yammacin Najeriya.
Asali: Facebook
Shugaba Tinubu ya maye gurbin kwamishinan Ogun
Daily Trust ta ce Tinubu ya kuma ɗauko wani lauya Saseyi Feyijimi Ibiyemi, ya naɗa shi a matsayin wanda zai maye gurbin marigayi kwamishinan zabe na jihar Ogun.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Mai ba shugaban ƙasa shawara na musamman kan harkokin yaɗa labarai da dabaru, Bayo Onanuga ne ya bayyana hakan a wata sanarwa yau Litinin.
Ya ce Abdulrazak Yusuf ya kammala digirinsa na farko a jami'ar Bayero da ke Kano (BUƘ), sannan ya yi diflomar digiri na biyu a jami'ar Bradford ta ƙasar Ingila.
Bugu da ƙari, kakakin shugaban ƙasar ya ce Abdulrazak ya gama digiri na biyu a jami'ar Leeds duk a ƙasar Ingila.
Ya fara aiki da hukumar INEC a shekarar 1999 a matsayin mataimakin babban jami’in gudanarwa sannan ya zama daraktan ayyuka da dabaru na zabe.
Kara karanta wannan
Mataimakin shugaban Majalisar Dattawa ya yi rashin hadimi, wani ɗan sanda ya rasu
INEC: Tinubu zai tura sunayensu majalisa
Naɗin Abdulrazak Tukur zai fara aiki bayan majalisar dattawa ta tantance tare da tabbatar da naɗinsa.
Haka zalika Onanuga ya ce idan majalisar dattawa ta amince da naɗin Ibiyemi zai maye gurbin kwamishinan zaɓen Ogun, ‘Niyi Ijalaye, wanda ya rasu a watan Agusta.
'Tinubu zai yi tazarce a 2027'
A wani labarin, an ji cewa tsohon hadimin shugaban ƙasa, Doyin Okupe ya ce ƴan Najeriya da kansu za su sake zaben Bola Ahmed Tinubu a 2027.
Okupe ya ce sunan T-Pain da aka laƙabawa shugaban ƙasa na nufin radaɗi na wani lokaci, wanda zai wuce kuma mutane su warke.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
