Haraji: Gwamnatin Tinubu Ta Yi Martani ga Gwamnonin Arewa, Ta Fadi Tsare Tsarenta

• Yayin da gwamnoni ke korafi kan kudirin haraji a gaban Majalisar Tarayya, Gwamnatin Bola Tinubu ta yi martani
• Gwamnonin sun ki amincewa da kudirin rarraba harajin VAT da ke gaban Majalisar, suka ce akwai rashin adalci
• Sai dai shugaban kwamitin kudi da inganta haraji, Taiwo Oyedele ya ce babu rashin adalci a cikin tsarin dokar harajin

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

FCT, Abuja - Gwamnatin Tarayya ta yi martani ga gwamnonin Arewa kan maganar haraji.

Shugaban kwamitin Gwamnatin Tarayya na kudi da inganta haraji, Mr Taiwo Oyedele ya ce an yi adalci kan kudirin harajin.

Harajin Tinubu: Gwamnoni sun yi fatali da tsarin

Kara karanta wannan

Gwamnoni sun bukaci Sanatocin Arewa su yi watsi da wata buƙatar Tinubu

Daily Trust ta ce Oyedele ya yi martani ne ga gwamnonin da suka ki amincewa da kudirin harajin da ke gaban Majalisar Tarayya.

Hakan ya biyo bayan kin amincewa da gwamnonin jihohi 19 na Arewa suka yi kan tsarin rarraba harajin VAT a kasa.

Shugaban gwamnonin, Muhammadu Inuwa Yahaya na Gombe, ya ce sun ki amincewa ne saboda zai sake durkusar da al'umma.

Inuwa ya bukaci Majalisar Tarayya da kudirin ke gabanta ta yi farali da shi saboda halin da al'umma ke ciki, cewar Premium Times.

Gwamnatin Tinubu ta yi martani ga gwamnoni

Sai dai a martaninsa, Oyedele ya ce babu a matsala a lamarin inda ya ce suna kokarin tabbatar da adalci a lamarin harajin.

"Mun samu korafin gwamnonin Arewa kan rarraba tsarin harajin a kasa inda suke korafi kan rashin tsari da daidaito."

Kara karanta wannan

Dan Majalisa ya kaskantar da kai, ya nemi afuwar yan Najeriya kan abin da ya yi

"Abin ya shafi dukan jihohin da ke yankunan kasar saboda an bi tsarin inda aka cire VAT madadin inda aka samar ko kuma batar da kaya."

- Mr Taiwo Oyedele

Gwamnoni sun bukaci ba sarakunan gargajiya dama

Kun ji cewa yayin taron gwamnonin Najeriya da sarakunan gargajiya, an fitar da matsaya kan ba iyayen kasa dama a mulki.

Gwamnonin sun bukaci ba sarakunan gargajiya dama a kundin tsarin mulki domin ba da tasu gudunmawa wurin inganta kasa.

Hakan ya biyo bayan shiga ganawa ta musamman da gwamnonin suka yi da sarakunan gargajiya a jiya Laraba 30 ga watan Oktoban 2024.

Muhammad Malumfashi, babban edita a sashen Hausa na Legit ya duba labarin.

Asali: Legit.ng