Gwamnan PDP ya ba Ma'aikata Mamaki, Zai ba su Albashin N80,000, an Fadi Lokacin Biya

• Yayin da ake cigaba da amincewa da sabon albashi a jihohi, Gwamnan Bayelsa ya fadi yadda zai biya
• Gwamna Diri Douye ya amince da biyan N80,000 a matsayin sabon albashi ga ma'aikatan jihar
• Amincewa da N80,000 ya sanya gwamnan zama na shida a cikin gwamnoni da suka amince da albashi mai tsoka

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

Jihar Bayelsa - Gwamna Douye Diri na jihar Bayelsa ya yi albishir ga ma'aikatan jihar da sabon albashi.

Diri ya amince da biyan N80,000 a matsayin mafi ƙarancin albashi ga ma'aikatan jihar.

Gwamnan ya tabbatar da haka ne a jiya Asabar 26 ga watan Oktoban 2024 a shafinsa na X.

Kara karanta wannan

Mafi karancin albashi: Gwamna ya amince da biyan N70,000

Diri ya sanar da sabon albashin ga ma'aikata wanda ya yi daidai da na gwamnoni uku a Najeriya.

Gwamnonin da za su biya N80,000 zuwa sama

Gwamnonin sun hada da Umar Bago na Niger da Umo Eno na Akwa Ibom sai kuma Peter Mbah na jihar Enugu.

Sai dai gwamnoni gida biyu sun yi fice inda suka amince da biyan N85,000 a matsayin mafi ƙarancin albashi.

Gwamnonin guda biyu da suka fi kowa su ne Babajide Sanwo-Olu na Lagos da Siminalayi Fubara daga jihar Rivers.

Gwamnan PDP zai biya ma'aikata N80,000

Gwamna Diri na Bayelsa ya ce ma'aikata sun cancanci biyan albashi mai tsoka duba da halin kunci da ake ciki.

Sanarwar ta ce gwamnatin jihar za ta fara biyan albashin ne a watan Nuwambar 2024 da muke ciki.

Kara karanta wannan

Mafi karancin albashi: Gwamna ya fara hasashen biyan N1m ga ma'aikata

"Na sanar da biyan N80,000 a matsayin mafi ƙarancin albashi ga ma'aikata."

"Ma'aikata sun cancanci karbar kuɗi mai tsoka idan aka yi duba zuwa ga halin da kasa ke ciki a yanzu."

"Sabon mafi ƙarancin albashin zai fara aiki ne a ranar 1 ga watan Nuwambar 2024, nagode da hakuri da kuke nunawa."

- Douye Diri

Legit Hausa ta yi magana da wani ma'aikaci

Legit Hausa ta tattauna da wani ma'aikaci a gwamnatin jihar Gombe kan mafi ƙarancin albashin N80,000 a Bayelsa.

Muhammad Aliyu da ke ma'aikatar lafiya ya yabawa Gwamna Inuwa kan amincewa da biyan N71,450.

Sai dai Aliyu ya ce tsare-tsaren da ake yaɗawa kan albashin akwai matsala duba da yadda kowane ma'aikaci zai samu, ya bukaci gyara kan tsarin albashin kafin biya.

Har ila yau, ya ce kamar yadda aka bukaci jinkirta biya a Kebbi kan rashin tantance ma'aikatan kananan hukumomi, a Gombe ma akwai bukatar sake duba tsarin.

Kara karanta wannan

Gwamna ya bi sahu, ya bayyana sabon albashin da zai iya biyan ma'aikata

Gwamna Inuwa zai biya mafi ƙarancin albashi

Kun ji cewa Gwamna Muhammadu Inuwa Yahaya ya amince da biyan sabon mafi ƙarancin albashi a jihar Gombe.

Gwamna Inuwa ya tabbatar da haka ne makwanni kadan bayan ya ce jihar ba za ta iya biyan albashin N70,000.

Asali: Legit.ng