Bola Tinubu Ya Ɗauko Ministan Buhari, Ya Naɗa Shi a Muƙami Bayan Korar Ministoci
- Bola Tinubu ya amince da naɗin Sunday Dare a matsayin mai ba da shawara kan harkokin sadarwa da wayar da kan jama'a
- Sunday Daye dai ya yi aiki a matsayin ministan matasa da bunkasa harkokin wasanni a gwamnatin Muhammadu Buhari
- Fadar shugaban ƙasa ce ta tabbatar da wannan naɗi a wata sanarwa ranar Laraba bayan korar ministoci biyar daga aiki a yau
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum
State House, Abuja - Shugaba Bola Tinubu ya nada Sunday Dare a matsayin mai ba shi shawara na musamman kan harkokin sadarwa da wayar da kan jama’a.
Sunday Dare, mai sarautar Agbaakin na Ogbomoso, ya yi aiki a matsayin ministan harkokin matasa da wasanni a gwamnatin Muhammadu Buhari.
Asali: Twitter
Fadar shugaban ƙasa ta tabbatar da naɗin tsohon ministan a wata sanarwa da ta fitar ranar Laraba, 23 ga watan Oktoba, 2024, The Nation ta kawo labarin.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Taƙaitaccen bayani kan Sunday Dare
Mista Dare ya kasance kwararren ɗan jarida kuma ɗaya daga cikin waɗanda suka kafa jaridar mako-mako ta The News and Tempo, sannan ya yi aiki a ƙasar Amurka.
An haife shi a ranar 29 ga Mayu, 1966. Ya yi karatun digiri na farko a Jami'ar Ahmadu Bello da ke Zaria (ABU) inda ya karanci ilmin huldar kasa da kasa.
Sannan ya yi digiri na biyu a Jami'ar Jos da ke jihar Filato kuma ya kammala da sakamako mafi daraja a fannin ilimin shari'a.
Wasu muƙamai Dare da ya riƙe
Dare ya kuma yi aiki a matsayin babban Kwamishinan a hukumar sadarwa ta Najeriya (NCC) bayan Buhari ya nada shi a watan Agustan 2016, rahoton Channels tv.
Ya kuma taba zama shugaban ma’aikata kuma mai ba Tinubu shawara ta musamman kan harkokin yada labarai lokacin yana gwamnan jihar Legas.
Tinubu ya godewa ministocin da ya kora
A wani labarin kuma shugaban ƙasa, Bola Ahmed Tinubu ya aika sakon godiya da fatan alheri ga tsofaffin ministoci biyar da ya sallama.
A wata sanarwa da fadar shugaban ƙasa ta fitar, Tinubu ya gode masu bisa aikin da suka yi wa ƙasa a tsawon lokacin da suna ɗauka a bakin aiki.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
