Kano: Muhimman Abubuwa 5 game da Kwamishinan da aka Kama da Zargin Lalata da Matar Aure

Dakarun hukumar Hisbah na Kano sun cafke kwamishinan ayyuka na musamnan a jihar Jigawa, Auwal Ɗanladi Sankara ranar Jumu'a, 18 ga watan Oktoba.

Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum

Rahotanni sun bayyana cewa ƴan Hisbah sun damƙe kwamishinan ne bisa zargin lalata da wata matar aure a wani Kango a jihar Kano.

Punch ta ruwaito cewa darakta janar na Hisbah, Abba Sufi ya ce jami'ai sun cafke Auwal Sankara dumu-dumu da matar aure a wani gini da ba a kammala ba.

Ya ce hukumar Hisbah ta samu wannan nasara ne ta hanyar bin diddigi bayan samun ƙorafe-ƙorafe kan ayyukan da kwamishinan ke yi a wurin.

Kara karanta wannan

'Yan bindiga sun sake kai mummunan hari, sun kashe bayin Allah ta hanya mai muni

"Eh gaskiya ne mun kama wani kwamishinan Jigawa, Auwal Ɗanladi Sankara tare da wata matar aure a wani kangon gini mallakinsa," in ji Sufi.

Wannan lamari dai ya ja hankalin mutane musammana a jihar Jigawa, inda aka fara kiraye-kirayen Hisbah ta yi bincike don gano gaskiya da ɗaukar matakin da ya dace.

Bayan haka ne Legit Hausa ta zaƙulo muku wasu mihimman bayanai game da kwamishinan wanda ya faɗa komar Hisbah a Kano.

1. Yaron ministan tsaro, Badaru

Bisa la'akari da wasu hotuna da ya wallafa a shafinsa na Facebook, Auwal Sankara ya kasance ɗan siyasar gidan Mohammed Badaru Abubakar.

Badaru shi ne ministan tsaron Najeriya na yanzu kuma tsohon gwamna a jihar Jigawa. Haka nan ministan babban jigo ne a APC mai mulki.

Auwal Sankara ya yi aiki a gwamnatin Badaru, tsohon gwamnan jihar Jigawa, wanda ya shafe shekaru takwas a kan madafun iko tsakanin 2015 zuwa 2023.

Kara karanta wannan

Zanga zanga: Gwamna a Arewa ya ba yaran da aka sako kyautar N100,000 da manyan wayoyi

2. Tsohon hadimin gwamna a Jigawa

Auwal Sankara ya yi aiki a matsayin babban mai taimakawa gwamna watau SSA a lokacin mulkin Badaru Badaru Abubakar.

A Najeriya, ana naɗa SSA ne domin ya taimakawa shugaban kasa ko gwamna ko dai wani shugaba a wani ɓangare.

Ana ganin kyayyawar alaƙar siyasa da ke tsakanin Auwal Sankara da Badaru ne ya sa gwamna mai ci, Umar Namadi ya ci gaba da aiki da shi.

3. Shekara 2 da zama kwamishina

A watan Yulin 2022, Badaru ya naɗa Auwal Ɗanladi Sankara a matsayin kwamishinan ayyuka na musamman.

Majalisar dokokin jihar Jigawa ta tantance tare da tabbatar da naɗinsa a wannan lokaci, kamar yadda The Nation ta rahoto.

Haka nan kuma matashin ɗan siyasar yana daga cikin kwamishinonin da Gwamna Umar Namadi ya maida kan muƙamansu bayan ya karɓi mulki.

4. Ya yi aure a shekarar 2015

Rahotannin da aka tattara sun nuna cewa kwamishinan da ake zargi da neman wata a gefe, ya yi aure a watan Afrilun 2015.

Kara karanta wannan

Manyan abubuwa 3 da gwamnatin Tinubu ta fusata Mutanen Arewa da su

Sai dai har kawo yanzu ba a tabbatar da cewa matar na tare da shi har yau ko akasin haka ba.

Wannan zargi da hukumar Hisbah da mijin matar da ake zaton yana nema ke masa ba zai wa matarsa, ƴaƴansa da sauran ƴan uwansa na jini daɗi ba.

5. Ɗan uwan ɗan takarar PDP

Bugu da ƙari Auwal Sankara ya kasance ɗan uwan tsohon ɗan takarar kujerar majalisar wakilan tarayya a inuwar jam'iyyar PDP, Nafiu Ɗanladi Sankara.

Nafiu Ɗanladi dai ya kasance babban manajan darakta (MD) na kamfanin Sankara Nigeria Limited.

Ya nemi takarar kujerar ɗan majalisa mai wakiltar Ringim/Taura a majalisar wakilan tarayya a zaɓen 2023 a inuwar PDP amma Allah bai ba shi nasara ba.

Za a ɗauki ma'aikata a Kano

A wani rahoton kuma gwamnatin Kano karkashin jagorancin Gwamna Abba Kabir Yusuf ta gama shirye-shiryen ɗaukar jami'an tsaro 17,600 a jihar.

Rahotanni sun bayyana cewa gwamnatn za ta ɗauki mafarauta aikin tsaro a wani ɓangare na kokarin bunƙasa harkokin ilimi

Asali: Legit.ng