Ba a Gama Rikicin Masarautar Kano ba, Sanusi II Ya Sake Nadin Sarauta a Jihar
- Ana cigaba da rikicin masarauta a Kano, Sarki Muhammadu Sanusi II ya sake nadin sabuwar sarauta a jihar
- Sarki Muhammadu Sanusi II ya amince da nadin Alhaji Gambo a matsayin Jakadan Garko da ke jihar Kano
- Rahotanni sun ruwaito cewa za a gudanar da bikin nadin sarautar da yammacin yau Laraba 17 ga watan Oktoban 2024
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.
Jihar Kano - Sarkin Kano, Muhammadu Sanusi II ya sake amincewa da nadi a masarautarsa.
Muhammadu Sanusi II ya amince da nadin Alhaji Gambo a matsayin Jakadan Garko a jihar Kano.
Asali: Facebook
Nadin sarauta da Sanusi II ya yi
Wannan na kunshe ne a cikin wata sanarwa da shafin Masarautar Kano ta wallafa a shafin X a yau Laraba 16 ga watan Oktoban 2024.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Wannan na zuwa ne bayan Muhammadu Sanusi II ya amince da yin nadin Abba Yusuf wanda kawu ne ga Gwamna Abba Kabir Yusuf a matsayin Dan Makwayon Kano.
Sanusi II ya zabi Abba Yusuf daga gidan Galadiman Kano ya zama Dan makwayon Kano wanda za a nada shi ranar 18 ga watan Oktoban 2024 da muke ciki.
Yaushe za a yi nadin sarautar a Kano?
Sanarwar ta ce Sarki Muhammadu Sanusi II ya sahale da nadin Shamakin Garko domin inganta masarautarsa.
Za a gudanar da nadin sarautar da yammacin yau Laraba 16 ga watan Oktoban 2024 a masarautar.
Rahotanni sun tabbatar da cewa za a gudanar da nadin ne da yammaci a kofar Kwaru gidan Sarkin Kano.
Kotu za ta saurari shari'ar masarautar Kano
Kun ji cewa Kotun Daukaka Kara za ta fara zaman sauraron kararrakin da aka shigar gabanta kan rigimar sarautar Kano a ranar 17 ga watan Oktoban 2024.
Wannan dai na zuwa ne yayin da Sarkin Kano na 15, Aminu Ado Bayero da Sarki Muhammadu Sanusi II ke cigaba da nuna kansu a matsayin sarakuna a jihar.
An fara rigima kan sarautar Kano ne bayan Gwamna Abba Kabir Yusuf ya rusa masaurautu biyar kuma ya dawo da Muhammadu Sanusi.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
