Ana Batun Warware Rikicin PDP, 'Yan Daba Sun Farmaki Sakatariyar Jam'iyyar

• Ƴan daba sun kai farmaki a ɗaya daga cikin sakatariyoyin jam'iyyar PDP mai adawa a jihar Benue a yankin Arewa ta Tsakiya
• Ƴan daban sun kutsa cikin sakatariyar da ƙarfin tsiya inda suka kwashe kayayyki da wasu takardu a ofisoshin da ke cikinta
• Sakatariyar dai ta ɗaya daga cikin ɓangaori biyu na jam'iyyar ne bayan rikicin cikin gida ya sanya ta dare zuwa gida biyu

Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi

Jihar Benue - Wasu ƴan daba sun kai hari a sakatariyar jam’iyyar PDP a jihar Benue da ke lamba 1 a titin Ochagwu Lawani Street, New GRA, a Makurdi.

Sakatariyar dai ta wani tsagin jam'iyyar PDP ne wacce ke adawa a jihar Benue da ke yankin Arewa ta Tsakiya na Najeriya.

Kara karanta wannan

Rabuwar PDP: Gwamnan Bauchi ya bayyana makomar rikicin da ya addabi jam'iyya

Ƴan daba sun farmaki sakatariyar PDP

Jaridar The Nation ta ce mai taimakawa Sanata Gabriel Suswam kan harkokin yaɗa labarai, Bede Bartholomew ya ce maharan sun zo ne a cikin motoci uku.

Ya bayyana cewa sun farfasa ƙofar shiga sakatariyar sannan suka shiga ofisoshin da ke ciki da ƙarfin tsiya, rahoton Daily Post ya tabbatar.

"Sun yi sata a ofisoshin tare da kwashe wasu takardu zuwa cikin motocinsu. Lamarin ya faru ne da misalin ƙarfe 10:00 na safe."

"Maharan sun kwashe kayayyaki tare da takardu a sakatariyar, inda suka loda su a manyan motoci."

"Hotunan CCTV sun nuna fuskokin maharan, inda aka gano wasu mutane uku tare da cafke wasu daga cikinsu."

- Bede Bartholomew

Jam’iyyar PDP a jihar Benue dai ta rabu gida biyu, kowane ɓangare yake da sakatariyarsa a birnin Makurdi, babban birnin jihar Benue.

Kara karanta wannan

Jagora a APC ya yabi ministan Tinubu, ya fadi nasarorin da ya samu

Karanta wasu labaran kan jam'iyyar PDP

• Gwamnonin PDP sun raba gardama, sun sanar da sahihin shugaban jam'iyya na ƙasa
• 2027: Tsohon gwamnan PDP ya shawarci Atiku ya hakura da takara, ya fadi dalili
• An gano gwamnonin PDP da ke son tsige Damagum, an gaza cimma matsaya

Jam'iyyar PDP ta warware rikicinta

A wani labarin kuma, kun ji shugaban ƙungiyar gwamnonin PDP kuma gwamnan jihar Bauchi, Bala Mohammed, ya yi magana kan rikicin da ya dabaibaye jam'iyyar.

Bala Mohammed ya bayyana cewa gwamnonin PDP sun sasanta rikicin samun ɓangarori da ya shafi kwamitin gudanarwa na jam’iyyar na ƙasa (NWC).

Muhammad Malumfashi, babban edita a sashen Hausa na Legit ya duba labarin.

Asali: Legit.ng