Basarake Ya Rasa Ransa da Boko Haram Suka Shammaci Motar Sojoji, An Rasa Rayuka
- Sojoji sun rasa rayukansu yayin da mayakan Boko Haram suka shammace su a karamar hukumar Marte a Borno
- Mayakan kungiyar Boko Haram sun kai harin ne da daren ranar Litinin 7 ga watan Oktoban 2024, aka rasa rayuka
- Daga cikin wadanda suka rasa rayukansu akwai dagaci da wani shugaban yan sa-kai a karamar hukumar Marte
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.
Jihar Borno - Mayakan Boko Haram a jihar Borno sun kai wani mummunan hari kan rundunar sojoji.
Yayin harin, mayakan Boko Haram sun hallaka basarake da kuma mutane biyar da suka hada da sojoji a karamar hukumar Marte.
Asali: Original
Yaushe Boko Haram suka kai hari a Borno?
Daily Trust ta ce harin ya faru ne a daren jiya Litinin 7 ga watan Oktoban 2024 inda mutane da dama suka samu raunuka.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Wata majiyar tsaro ta ce daga cikin wadanda aka hallaka akwai wani shugaban yan sa-kai a karamar hukumar Marte.
Har ila yau, an kwashi wadanda suka samu raunuka zuwa asibiti domin ba su kulawa na musamman.
Yawan mutanen da Boko Haram suka hallaka
"Mutane biyar suka mutu ciki har da dagaci mai suna Mai Babashehu Mai Musinema da sojoji guda biyu."
"Sannan yan Boko Haram sun hallaka wani shugaban yan sa-kai a karamar hukumar Marte da ke jihar da wasu mutane biyu."
"Sun fara gyaran hanya da ta lalace ga masu ababan hawa tsakanin Marte da Dikwa kwanaki biyu da suka wuce, yanzu sun koma domin karasa aikin sai mayakan suka shammace su."
- Cewar majiyar
Boko Haram sun kashe manoma a Borno
Kun ji cewa yan ta'addan Boko Haram sun yi garkuwa da wasu manoma a jihar Borno bayan sun kai musu farmaki a gona.
Miyagun ƴan ta'addan sun yi wa wasu daga cikin manoman yankan rago bayan sun tafi da su zuwa sansaninsu da ke jihar.
Harin da ƴan Boko Haram suka kai a ƙaramar hukumar Gwoza ya kuma yi sanadiyyar rasa ran wani jami'in tsaro.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
