Ribas: Mummunar Gobara Ta Babbake Sakatariyar Karamar Hukuma, Bayanai Sun Fito
- Rahotanni sun bayyana cewa wasu da ba a san ko su wanene ba, sun cinna wuta a sakatariyar karamar hukumar Eleme da ke jihar Ribas
- An ce zababben ciyaman na Eleme ne tare da kansiloli da magoya bayansa suka tarar da an babbake wasu gine gine na sakatariyar
- Zuwa yanzu dai babu wata sanarwa daga rundunar 'yan sanda a hukumance amma ana fargabar barkewar rikici a sassan Ribas
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida
Ribas - An cinna wuta a wani sashe na sakatariyar karamar hukumar Eleme da ke jihar Ribas awanni bayan rantsar da sababbin ciyamomi.
An ce sabon zababben ciyaman na Eleme, Hon. Brain Gokpa ya isa sakatariyar tare da kansiloli da magoya bayansa amma ya taras da an kona wasu gine-ginen a cikinta.
Asali: Twitter
An sanya wuta a sakatariyar Ribas
Tsohon Jakada, Ambasada Oji Ngofa wanda ya fito daga karamar hukumar Eleme ne ya shaida hakan ga Channels TV a tattaunar da aka yi da shi ta wayar tarho.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Ana zargin cewa wasu 'yan adawa da zababben shugaban karamar hukumomin da aka rantsar ne suka sanya wutar domin nuna adawarsu a fili.
Ya zuwa yanzu dai ba a kama wani mutum ba, kuma har yanzu rundunar ‘yan sandan ba ta fitar da wata sanarwa kan lamarin ba.
Sai dai rahotonanni sun bayyana cewa akwai fargabar yiwuwar barkewar rikici a wasu kananan hukumomin jihar biyo bayan rantsar da sababbin ciyamomin.
Duba wasu labaran game da jihar Ribas:
Bakuwar jam'iyya ta lashe kujerun ciyamomi 22 a zaben kananan hukumomin Ribas
Fubara zai rantsar da zababbun ciyamomi 23 da aka zaba daga jam'iyyun adawa
Kara karanta wannan
Fargabar barkewar ambaliya: Gwamnati ta aika sakon gaggawa ga mazauna jihar Kwara
Ribas: Fubara ya dakile 'yan sanda daga 'sace' kayayyakin zaben ciyamomi
Zaben ciyamomi: Masu zanga zanga sun mamaye ofishin hukumar zabe ta Ribas
Fubara ya rantsar da ciyamomi a Ribas
A wani labarin, mun ruwaito cewa gwamnan jihar Ribas, Siminalayi Fubara ya rantsar da sababbin ciyamomin kananan hukumomi 23.
Sufeto Janar na 'yan sanda, Kayode Egbetokun, ya umarci a janye dukkanin jami'an rundunar daga sakatariyoyin kananan hukumomin jihar.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
