"Akwai Kiristoci Yan Kasa a Arewa: CAN Ta Koka da Mukaman Hukumar NWDC da Aka Nada

• Kiristoci a yankin Arewa maso Yamma sun nuna damuwa kan yadda aka yi wariya a mukaman hukumar NWDC
• Shugaban kungiyar CAN a yankin, Sunday Oibe ya ce an ware Kiristoci a hukumar raya yankin Arewa maso Yamma
• Oibe ya koka kan haka inda ya ce yankin yana dauke da Kiristoci yan kasa ba wai Musulmai zalla ba ne ke rayuwa

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

FCT, Abuja - Kungiyar Kiristoci ta sako Hukumar raya yankin Arewa maso Yamma ta NWDC a gaba kan nadin mukamai.

Kungiyar ta koka kan yadda aka nuna wariya wurin cire sunayen Kiristoci a kwamitin gudanarwa na hukumar NWDC.

Kara karanta wannan

Wasu miyagu sun buɗe wuta a kusa da gidan Ministan Tinubu, sahihan bayanai sun fito

NWDC: Kiristoci sun yi korafi a Arewa

Shugaban kungiyar a yankin, Sunday Oibe shi ya tabbatar da haka a jiya Asabar 5 ga watan Oktoban 2024, cewar rahoton TheCable.

Oibe ya ce rashin saka sunayen Kiristoci a hukumar ya nuna wariya ƙarara saboda bambancin addini a yankin.

Ya ce akwai Kiristoci yan asalin jihohin Kano da Kaduna da Zamfara da Kebbi da Jigawa da Katsina, cewar rahoton Punch.

Kiristoci sun fadi tasirinsu a Arewacin Najeriya

"Kiristoci a yankin Arewa maso Yamma sun damu kwarai da yadda aka yi nadin muƙaman, nade-naden sun saba da bambancin addini da muke da shi a yankin."

"Akwai Kiristoci yan kasa a jihohin Kano da Kaduna da Jigawa da Katsina da Sokoto da Kebbi da Zamfara."

"Bai kamata a yi tsammanin duka yankin Arewa maso Yamma Musulmai ba ne kaɗai."

Kara karanta wannan

Shugaban Izala ya rasu, al'ummar Musulmi sun shiga jimami

- Sunday Oibe

Tinubu ya nada mukamai a hukumar NWDC

Kun ji cewa Bola Ahmed Tinubu ya naɗa ƴan majalisar gudanarwa a hukumar raya Arewa maso Yamma watau NWDC a ranar Asabar 28 ga watan Satumbar 2024.

Hadimin shugaban kasa, Bayo Onanuga ne ya bayyana haka a wata sanarwa, ya ce ana sa ran waɗanda aka naɗa za su ba da gudummuwa wajen bunƙasa yankin

A watan Yulin 2024 ne Shugaba Bola Tinubu ya rattaba hannu a kudirin dokar kafa hukumar NWDC bayan Majalisa ta amince.

Asali: Legit.ng