Ana Batun Bincikensa El Rufai Ya Bayyana Lokacin da Zai Yi Ritaya daga Siyasa
- Tsohon gwamnan jihar Kaduna, Malam Nasir Ahmad El-Rufai ya nesanta kansa daga shirin yin ritaya daga harkokin siyasa
- El-Rufai ya bayyana cewa ko kaɗan babu shirin yin ritaya a tattare da shi kuma zai dawo siyasa a 2027 bayan kammala karatunsa
- Malam El-Rufai ya kuma musanta zargin cin hanci da rashawa da ake yi masa inda ya ce a shirye yake ya yi rantsuwa da Kur'ani
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi
Jihar Kaduna - Tsohon gwamnan jihar Kaduna, Malam Nasir El-Rufai, ya yi magana kan lokacin zai yi ritaya daga siyasa.
Malam Nasir El-Rufai ya bayyana cewa ko kaɗan ba shi da shirin yin ritaya daga harkokin siyasa.
Asali: Facebook
Nasir El-Rufai bai da shirin ritaya daga siyasa
Jaridar The Punch ta rahoto cewa El-Rufai ya bayyana hakan ne yayin wata hira da gidan rediyon Freedom da ke Kaduna a ranar Talata.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Tsohon gwamnan ya kuma bayyana siyasa a matsayin mutu ka raba, yana mai cewa zai dawo siyasa a shekarar 2027.
"Ina da niyyar komawa siyasa a 2027 bayan na kammala karatuna. Babu ritaya a siyasa. Da yardar Allah za mu dawo mu ci gaba da yi wa jama’a hidima."
- Malam Nasir El-Rufai
El-Rufai ya musanta zargin cin hanci
El-Rufai ya kuma musanta zargin cin hanci da rashawa da ake yi masa inda ya ce a shirye yake ya rantse da Al-Kur’ani, ya kuma ƙalubalanci magabatansa da shugabannin da ke kan mulki yanzu da su yi hakan.
Tsohon gwamnan ya musanta zargin da majalisar dokokin jihar Kaduna ta yi cewa an sace ko kuma an karkatar da N423bn a ƙarƙashinsa lokacin da yake matsayin gwamnan jihar, rahoton Leadership ya tabbatar da wannan.
El-Rufai ya yi nuni da cewa ana zargin gwamnatinsa ne ba tare da kawo wata ƙwaƙƙwarar hujja ba, sannan hukumomin EFCC da ICPC na farautar na kusa da shi.
"Yadda na ji bayan dawo da Sanusi II", El-Rufai
A wani labarin kuma, kun ji cewa tsohon gwamnan jihar Kaduna, Mallam Nasir El-Rufai ya yi magana kan dawowa da Muhammadu Sanusi II kan sarautar Sarkin Kano.
Nasir El-Rufai ya ce dawo da Mai martaba Muhammadu Sanusi II kan sarauta na daya daga cikin abin da ya fi faranta masa rai a rayuwa.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
