Ayyukan Ban Mamaki 3 da Ahmad Aliyu Ya Kinkimo da Ya Zama Gwamnan Sokoto
Sokoto - A karshen Mayun 2023 ne Alhaji Ahmad Aliyu ya karbi mulki a matsayin gwamna mai cikakken iko a jihar Sokoto.
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
M. Malumfashi ya shafe shekaru ya na kawo labaran Hausa musamman na siyasa, addini, tarihi, wasanni da al’ada
Gwamna Ahmad Aliyu ya gaji tsohon mai gidansa, Aminu Waziri Tambuwal wanda ya karasa mulkinsa a jam’iyyar PDP.
Abubuwa da-dama sun faru bayan APC ta karbi ragamar shugabanci daga hannun APC a Sokoto daga 2023 zuwa yanzu.
Asali: Twitter
Ayyukan gwamnan Sokoto da suka jawo magana
A rahoton nan, Legit Hausa ta kawo wasu ayyukan gwamna Ahmad Aliyu da suka jawo surutu a ciki har da wajen Sokoto.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
1. Motocin hayan N3.4bn a Sokoto
An kashe makudan kudi domin samar da motocin Toyota Camry XSE na zamani da za a rika haya da su a jihar da ke kukan talauci.
Rahoton VON ya ce N3.4bn aka kashe domin sayo motocin Toyota Camry da manyan bas domin daukar mata a cikin birnin Sokoto.
Masu sukar Ahmad Aliyu sun ce gwamnatinsa ba ta san abin da yake yi mata ciwo ba.
2. Aikin rijiyoyin zamanin N1.2bn
Gwamnatin Sokoto ta yi ikirarin kashe Naira biliyan 1.2 domin a gyara rijiyoyin burtsatsi na zamani da nufin a samar da ruwa.
Daga baya Punch ta ce an yi karin haske inda gwamna Ahmad Aliyu ya ce ginin hadin-guiwa ne da bankin duniya da wasunsu.
Duk da an fahimci ginin rijiyoyi aka yi ba gyara ba, wasu sun soki adadin kudin.
3. Shingen kan titunan Sokoto a N800m
The Guardian ta ce PDP ta zargi gwamna Ahmad Aliyu da ware N30bn domin aikin gina shinge a kan wasu titunan da ke Sokoto.
Gwamnatin APC ta karyata zancen tare da bayyana cewa N800m kadai za a kashe domin wannan aiki da zai kare rayukan jama’a.
A labarin nan, gwamnatin Sokoto ta zargi jam’iyyar hamayya da yada zancen karya, ta ce ana neman kauda tunanin al'umma ne.
Gwamna Abba ya sakawa masoyansa
A gefe guda, ana da labari mai girma Gwamna Abba Kabir Yusuf yana cigaba da rabon kayan alheri ga masoyansa a jihar Kano.
Wata yarinya da ta fasa asusu a 2019 ta ba Abba Gida Gida gudumuwar kamfe lokacin yana takara a inuwar PDP ta maida dubunsu a yau.
Masoya Alhaji Abba Kabir Yusuf su na ta samun kyaututtuka yayin da wasu ke ficewa daga Kwankwasiyya zuwa APC mai-ci.
Asali: Legit.ng
