‘Sun Hana Mu Gado,’ Zainab Ado Bayero ta Tono Sirrin da ke Tsakaninta da Yan Uwanta

• Yar gidan Sarkin Kano, marigayi Ado Bayero ta yi bayani bayan da ta sha suka kan fitowa tana neman taimako daga gwamnati karo na biyu
• Zainab Ado Bayero ta bayyana cewa sun dade da shiga cikin mummunan yanayi amma mutane sun gaza fahimtar halin da suke ciki
• Ta kuma fadi abin da yasa suke neman taimako a wajen al'ummar Najeriya maimakon komawa zuwa gida Kano wajen yan uwanta

Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.

Jihar Kano- Zainab Ado Bayero ta fito da bayanai kan abin da ya sa ta kara neman taimako wajen al'umma.

Zainab ta bayyana cewa an yi kokarin sama musu kudi a wajen yan uwanta amma abin ya gagara tun a karon farko.

Kara karanta wannan

Yan sanda sun nuna bajintarsu, an gano yadda aka kashe fitinannen dan ta'adda

Jaridar Daily Trust ta wallafa cewa ta ce mutanen da suke sukanta sun gaza fahimtar halin da ake ciki ne tare da mahaifiyar ta.

Zainab Ado Bayero : 'An hana ni gado'

Zainab Ado Bayero ta bayyana cewa mutane da yawa sun roki yan uwanta a kan su ba ta gadon mahaifinta amma hakan ya gagara.

Ta kara da cewa sun buƙaci gadon ne domin su saye gidan da za su rika zama da kuma komawa makaranta amma bai samu ba.

Zainab ta fadi dalilin kara neman taimako

Zainab ta fadawa duniya cewa Abba Kabir Yusuf ya biya musu kudin haya da kuma ba su kudi amma duk da haka suna bukatar agaji.

Ta ce yanzu haka idan kudin hayan ya kare ba su san ina za su saka kan su ba saboda ba su da kuɗin da za su sake biya.

Kara karanta wannan

Ana cikin badakalar kwangila, Gwamna Abba Gida Gida ya rikice da ayyuka a Kano

Halin da Zainab Ado Bayero ke ciki

Punch ta wallafa cewa Zainab ta ce yanzu haka dan uwanta ba ya zuwa makaranta ga shi ba su da gidan da za su zauna na kansu.

Ta ce ita ba mai hadama ba ce, kawai halin kunci da suka shiga ne wanda mutane da dama sun gaza fahimta.

A karkashin haka ta yi kira ga Abba Kabir Yusuf da ya kara taimaka musu ya saya musu gida maimakon su cigaba da zaman gidan haya.

Taimakon da Zainab ta nema karo na biyu

A wani rahoton, kun ji cewa yar marigayi tsohon sarkin Kano, marigayi Ado Bayero watau Zainab ta kuma rokon Gwamna Abba Kabir Yusuf taimako.

Zainab Ado Bayero ta koka ka halin da suka tsinci kansu tun bayan mutuwar mahaifinsu ita da mahaifiyarta da kuma wani kaninta.

Muhammad Malumfashi, babban edita a sashen Hausa na Legit ya duba labarin.

Asali: Legit.ng