Kano: 'Yan Sanda Sun Saki Bidiyon Masu Zanga Zanga Suna Wawushe Dukiyar Jama’a
- Kakakin rundunar 'yan sanda na kasa, Olumuyiwa Adejobi ya saki bidiyon yadda wasu masu zanga-zanga ne ke satar dukiyar jama'a
- A cewar Olumuyiwa Adejobi matasan sun saci kayayyakin ne a jihar Kano a ranar Alhamis bayan barkewar zanga-zangar yunwa
- Hakazalika, kakin rundunar ya saki hotunan wasu daga cikin kayayyakin sata da ya ce 'yan sanda sun kwato a jihar Kano
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida
Kano - Rundunar 'yan sandan jihar Kano ta samu nasarar kwato dukiyar jama'a da ake zargin masu zanga-zanga sun wawure a jihar.
An ce wasu 'yan daba ne suka saje da masu zanga-zangar lumana a jihar inda suka rika balle shagunan jama'a suna kwasar kayansu.
Kara karanta wannan
Zanga zanga: 'Yan sanda na kokarin kakkabe miyagu, an kama 'yan daba 50 a Katsina
Asali: Twitter
Kakakin rundunar 'yan sanda na kasa, Olumuyiwa Adejobi ya sanar da hakan a shafinsa na X a ranar Juma'a, 2 ga watan Agusta.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
An kama kayayyakin sata a Kano
Sanarwar ta ce:
"Wadannan su ne kadan daga cikin kayayyakin da aka kwato daga masu zanga-zanga. Yanzu haka an jazawa masu dukiyar nan asara mai yawa.
"Wadanda aka yi wa satar nan 'yan uwa ne da abokan arziki wadanda ke fafutukar daukar dawainiyar rayuwarsu. Yanzu wannan za mu kira zanga-zangar lumana?"
Kamar yadda hotunan da kakin 'yan sandan ya wallafa suka nuna, an kama kayayyakin da suka hada da jarakunan mai, katifa, kayan abinci, batirin inbata da dai sauransu.
Kalli hotunan a kasa:
Bidiyon masu zanga-zanga na sata
A wani faifan bidiyo da kakakin rundunar 'yan sandan ya wallafa a shafinsa na X, an ga yadda wasu masu zanga-zanga, musamman matasa suna jidon kayayyaki a kansu.
Olumuyiwa Adejobi ya yi ikirarin cewa wadannan kayayyakin da masu zanga-zangar ke jidowa kayan sata ne ba wai nasu ba.
A cewar Olumuyiwa Adejobi:
"Masu zanga-zanga na satar dukiyar jama'a a Kano a ranar Alhamis.... Har yanzu kuna kallon wannan a matsayin zanga-zangar lumana?"
Kalli bidiyon a kasa:
Jigawa: An kona hedikwatar APC a zanga-zanga
A wani labarin, mun ruwaito cewa an kona hedikwatar jam'iyyar APC mai mulki a jihar Jigawa bayan da zanga-zangar lumana ta koma tashin hankali.
Rahotanni sun cewa sai da masu zanga-zangar suka fara sace kayayyakin ciki kafin suka kona ginin ofishin da motocin da aka ajiye a harabar wurin.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
