Bayan Hango Kwantacciyar Barazana, Jagoran Zanga Zanga Ya Ajiye Jagoranci

• An fara rage karfin gwiwar matasa yayin da wasu kungiyoyin ke juya baya ga shirin fita zanga zangar adawa da tsadar rayuwa
• Rahotanni na nuni da cewa jagoran zanga zangar a Sokoto ya ce ba zai cigaba da jagorantar matasa a jihar ba a halin yanzu
• Jagoran, Bashir Binji ya bayyana dalilan da suka sa ya ajiye fita zanga zangar da kuma barazanar da za a iya fuskanta a jihar Sokoto

Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.

Jihar Sokoto - An samu koma baya yayin da jagoran zanga zangar adawa da tsadar rayuwa ya juya baya a Sokoto.

Bashir Binji ya bayyana cewa ya ajiye zanga zangar ne domin ganin bai jawo tashin hankali a jihar Sokoto ba.

Kara karanta wannan

"Muna can muna cin abinci," Shugaban Majalisa ya ta da ƙura kan zanga zanga da ake shirin yi

Jaridar the Cable ta wallafa cewa Bahsir Binji ya yi jawabi ne a jiya Talata ga manema labarai.

Dalilin barin zanga zanga a Sokoto

Shugaban masu zanga zanga a jihar Sokoto, Bashir Binji ya bayyana cewa sun samu rahoto daga jami'an tsaro kan za a kai hari a lokacin zanga zangar.

Saboda haka Bashir Binji ya ce sun dakatar da fita zanga zangar domin kaucewa kawo tashin hankali a Sokoto.

Wuraren da za a kai hari a Sokoto

Jaridar PM News ta wallafa cewa Bahsir Binji ya ce jami'an tsaro sun tabbatar da cewa za a kai hari kasuwanni a lokacin zanga zangar.

Bayan haka, an ruwaito cewa bayanan jami'an tsaro sun nuna cewa akwai niyyar kai hari a bankuna da wasu wuraren gwamnati.

Yadda aka gano shirin kai hari a Sokoto

Shugaban yan kasuwa a jihar Sokoto, Abubakar Sarkin Gishiri ne ya samu labarin cewa za a kai hari a wasu wurare a jihar.

Kara karanta wannan

Tun kafin fara zanga zanga, an yi baram baram tsakanin jagorori da shugaban 'yan sanda

Biyo bayan haka, Abubakar Sarkin Gishiri ya tuntubi jami'an tsaron farin kaya kuma suka tabbatar masa da lamarin.

Zanga zanga: Matasa sun gana da yan sanda

A wani rahoton, kun ji cewa 'yan sanda sun bukaci masu shirya zanga zangar adawa da tsadar rayuwa su bayyana sunayensu kafin samun izinin hukuma.

Wasu daga cikin jagororin zanga zanga a Najeriya sun ba rundunar yan sanda bayanansu kuma sun tattauna da rundunar a ranar Talata.

Muhammad Malumfashi, babban edita a sashen Hausa na Legit ya duba labarin.

Asali: Legit.ng