“Kowa a Fusace Ya Ke”: NLC Ta Ba Tinubu Mafita Kan Shirin Zanga Zanga

• Shugaban kungiyar NLC a Najeriya, Joe Ajaero ya bayyana damuwa kan halin kunci da ake ciki inda ya ce kowa a fusace ya ke
• Ajaero ya kawo hanya mafi sauki domin dakile shirin zanga-zanga a Najeriya ga Shugaba Bola Tinubu domin kiyayewa
• Wannan na zuwa ne yayin da ake shirin fita zanga-zanga a fadin kasar domin nuna rashin jin dadi kan halin da ake ciki

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

FCT, Abuja - Kungiyar Kwadago a Najeriya ta ba Shugaba Bola Tinubu shawarar yadda zai dakile shirin zanga-zanga a kasar.

Kungiyar ta ce hanya daya mafi dacewa wurin dakile zanga-zangar ita ce tattaunawa da fusatattun matasan.

Kara karanta wannan

Sako zuwa ga Tinubu: NLC ta fadi hanyoyi 2 na hana matasan Najeriya yin zanga zanga

NLC ta ba Tinubu shawara kan zanga-zanga

Shugaban kungiyar, Joe Ajaero shi ya bayyana haka a jiya Litinin 22 ga watan Yulin 2024, kamar yadda Tribune ta tattaro.

Ajaero ya ce zanga-zanga 'yanci ce ta 'yan kasa inda ya ce miliyoyin 'yan Najeriya sun fusata kan halin kunci da ake ciki a fadin kasar.

Ya ce mafi yawan iyalai a Najeriya ba su iya samun cin abinci sau biyu a rana yayin da suke rayuwa cikin kunci da talauci, cewar Channels TV.

Zanga-zanga: NLC ta kawo mafita ga Tinubu

"Yayin da ake kara kusantar ranar zanga-zanga, kungiyar NLC ta bukaci Shugaba Bola Tinubu ya gayyaci shugabannin masu zanga-zangar."

"Ana cikin mawuyacin hali, kowa a fusace ya ke a Najeriya wanda lokaci ne da ya kamata gwamnati ta tattauna ba yakar 'yan kasa ba."

Kara karanta wannan

"Akwai hannun dan Kudu:" Matasan Arewa sun janye a zanga zanga, sun yi tone tone

"Maganar gaskiya ita ce ba za ka mauje yaro ba kuma a lokaci guda ka ce za ka hana shi kuka, ya kamata a dauk matakin da ya ce a daidai wannan lokaci."

- Joe Ajaero

Matasan Arewa sun janye daga zanga-zanga

A wani labarin, kun ji cewa wata kungiyar matasa ta janye daga zanga-zanga yayin da ake ci gaba shirye-shiryen fitowa a kasar.

Gamayyar kungiyoyin matasan suka ce sun tsame hannunsu a zanga-zangar inda suka zargi wasu na kokarin amfani da hakan wurin kawo rigima.

Shugaban kungiyar, Kwamred Murtala Garba ya ce suna zargin wasu mutane sun shirya kwace ikon zanga-zangar tare da kawo tsaiko a yankin Arewa.

Muhammad Malumfashi, babban edita a sashen Hausa na Legit ya duba labarin.

Asali: Legit.ng