Gwamnati ta Fadi Dalilin Rokon Mazauna Yobe su Kauracewa Zanga Zanga

• Gwamnatin Yobe ta nemi jama'ar jihar su kauce wa shiga zanga-zangar gama gari da ake shirin gudanar wa a ranar 1 Agusta, 2024 kan matsin rayuwa
• Kwamishinan harkokin cikin gida, yada labarai da al'adu, Abdullahi Bego ne ya yi rokon ta cikin sakonnin da ya fitar don nuna rashin goyon bayan zanga-zanga
• Abdullahi Bego na ganin bai kamata mazauna Yobe su shiga zanga-zanga da zai iya jawo rashin tsaro a ihar ba ana tsaka da farfado wa daga Boko Hram

A'isha Ahmad edita ce a sashen Hausa na Legit. Tana da ƙwarewa wajen rubutun labarai da rahotanni tsawon shekaru uku. Ta kware a kawo rahotannin, al'amuran da su ka shafi mata da yara da siyasa.

Jihar Yobe - Gwamnatin Mai Mala Buni ta roki al'umar jihar Yobe da su guji shiga zanga-zangar gama gari da wasu ke kokarin hada wa a kasar nan saboda matsin tattalin arziki.

Kara karanta wannan

Zanga zanga: Malamin Musulunci ya yi addu'ar kawo karshen mulkin Tinubu, ya yi tone tone

Gwamnatin na ganin an samu gagarumar nasarar tun bayan bullar iftila'in Boko Haram da ya hana al'ummar jihar da kewaye sakat, kuma bai kamata a jawo wani rashin kwanciyar hankalin ba.

A wasu jerin sakonni biyu da kwamishinan harkokin cikin gida, yada labarai da al'adu na jihar Yobe, Abdullahi Bego ya wallafa a shafinsa na Facebook, ya ce bai kamata jama'a su yi zanga-zanga ba.

"Yanzu mu ke farfado wa," Gwamnatin Yobe

Gwamnatin jihar Yobe ta shawarci mazauna garin su guji zanga-zanga da zai iya dagula lamarin tsaron yankin.

A wata sanarwa daban da Babban nataimaki na musamman ga gwamna Buni a kan sadarwar kafafen zamani, Yusuf Ali ya fitar, ya ce shiga zanga-zanga zai rikita zaman lafiya.

Gwamnan Yobe, Mai Mala Buni na ganin yanzu yankin ke farfaɗo wa daga tashe-tashen hankula da 'yan kungiyar Boko Haram su ka kakaba wa jihar, Daily Post ta wallafa.

Kara karanta wannan

Ana wata ga wata: NLC ta yi barazanar tsunduma wani yajin aiki, an gano dalili

Zanga-zanga: Ohanaeze ta shawarci kabilar Ibo

A baya mun ruwaito cewa kungiyar 'yan kabilar Ibo ta Ohanaeze ta shawarci 'yan kabilar da ke zaune a Arewa su guji shiga zanga-zangar da ake shirin yi a watan Agusta.

Kungiyar ta kuma shawarci 'yan kabilar Ibo da ke zaune a Kudu maso Yamma da ka da su shiga zanga-zangar saboda fargabar yadda aka saba samun matsala a irin wadannan taruka a baya.

Muhammad Malumfashi, babban edita a sashen Hausa na Legit ya duba labarin.

Asali: Legit.ng