Tinubu Ya Fatattaki Wanda Buhari Ya Naɗa Mukami, Ya Maye Gurbinsa da Dantsoho
- Shugaba Bola Tinubu ya sallami Mohammed Bello-Koko wanda Muhammadu Buhari ya naɗa mukamin daraktan hukumar NPA
- Tinubu bayan sallamar Bello-Koko ya maye gurbinsa da Abubakar Dantsoho wanda ake sa ran zai shafe shekaru biyar a muƙamin
- Hakan na kunshe ne a cikin wata sanarwa da hadimin shugaban, Ajuri Ngelale ya fitar a yau Juma'a 12 ga watan Yulin 2024
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne a bangaren siyasa, kasuwanci da al'amuran yau da kullum ne, ya na da gogewar aikin jarida sama da shekaru uku.
FCT, Abuja - Shugaban kasa, Bola Tinubu ya sallami shugaban hukumar kula da tashoshin jiragen ruwa.
Tinubu ya kori Mohammed Bello-Koko a matsayin babban daraktan hukumar a yau Juma'a 12 ga watan Yulin 2024.
Asali: Facebook
Tinubu ya nada sabon daraktan hukumar NPA
Wannan na kunshe ne a cikin wata sanarwar da hadimin shugaban a bangaren yada labarai, Ajuri Ngelale ya fitar a shafinsa na Facebook.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Tinubu ya maye gurbin Bello-Koko da Abubakar Dantsoho wanda zai shafe shekaru biyar a matsayin shugaban hukumar.
Tsohon shugaban kasa Muhammadu Buhari shi ya naɗa Bello-Koko a matsayin mukaddashin daraktan hukumar a watan Mayun 2021.
Sai dai ba a tabbatar da nadin nasa ba sai a watan Faburairun 2022 inda ya zama daraktan hukumar a hukumance.
Wane ne sabon daraktan NPA, Abubakar Dantsoho?
Da tsohon ya yi digiri na biyu da digirin digirgir a Jami'o'in Burtaniya na Liverpool da John Moores da kuma Cardiff.
Ajuri ya ce kafin nadin Dantsoho babban daraktan hukumar ya rike mukamai da dama a tsawon shekarun da ya yi a wurin.
Ya rike babban mataimakin manajan hukumar da kuma mataimakin manaja ta bangaren fasaha da kuma manaja a haraji da kudade.
Tinubu ya sallami surkin Buhari daga mukami
A wani labarin, kun ji cewa Shugaba Bola Tinubu ya sallami surkin tsohon shugaban kasa, Muhammadu Buhari daga mukaminsa.
Tinubu ya sallami Ahmed Halliru daga mukamin shugaban kamfanin buga kudi bayan Buhari ya amince da nadinsa lokacin mulkinsa.
Halliru kani ne ga tsohuwar 'First Lady' a Najeriya, Aisha Buhari wanda suka shafe shekaru takwas kan madafun iko.
Asali: Legit.ng
