Abba Zai Kammala Muhimman Ayyukan da Kwankwaso Ya Fara, Ganduje Ya Yi Biris da Su

• Gwamnan jihar Kano, Abba Kabir Yusuf ya bayyana cewa zai cigaba da wasu ayyuka da Sanata Rabi'u Musa Kwankwaso ya fara
• Abba Kabir Yusuf ya ce Rabi'uKwankwaso ya fara ayyukan a lokacin da yake gwamna amma Abdullahi Umar Ganduje ya yi biris da su
• Babban daraktan yada labaran gwamnatin jihar Kano, Sanusi Bature Dawakin-Tofa ne ya bayyana lamarin ga manema labarai

Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.

Jihar Kano - Gwamantin jihar Kano karkashin Abba Kabir Yusuf za ta cigaba da wasu ayyukan da Rabi'u Kwankwaso ya fara a lokacin mulkinsa.

Gwamna Abba Kabir Yusuf ya ce an kammala shirye-shiryen fara ayyukan amma Abdullahi Ganduje ya yi watsi da su.

Kara karanta wannan

Gwamna ya faɗi sunan wanda ya tayar da bam, ya alaƙanta shi da ministan Tinubu

Legit ta gano haka ne a cikin wani sako da daraktan yada labaran gwamnatin Kano, Sanusi Bature ya wallafa a shafinsa na Facebook.

Ayyukan da Abba zai kammala a Kano

Abba Kabir Yusuf ya bayyana cewa Rabi'u Kwankwaso ya fara ayyukan hanya a ƙananan hukumomin jihar 44.

Gwamnan ya ce an yi shirin yin hanyoyi masu nisan kilomita 5 a kowace karamar hukuma a lokacin Kwankwaso amma Ganduje ya watsar da shirin.

Gwamna Abba ya zauna da yan kwangila

Sanusi Bature Dawakin-Tofa ya ce gwamna Abba ya zauna da yan kwangilar da aka ba aikin domin duba yadda za a cigaba.

Abba Kabir Yusuf ya tabbatar wa yan kwangilar cewa ya shirya tsaf domin ganin an kammala ayyukan a kan lokaci.

Za a kammala ayyukan Kwankwaso

Bayan tattaunawar da gwamna Abba ya yi da yan kwangilar sun amince da komawa domin cigaba da ayyukan a mako mai zuwa.

Kara karanta wannan

Rikicin sarauta da shari’ar zabe ba su taka masa burki ba, an nada Abba gwarzon Gwamnoni

Gwamnan ya ba ma'aikatar raya ƙasa da tsare-tsaren gari umurnin gaggauta kammala shirin cigaba da ayyukan a kan lokaci.

Abba ya biya 'yan fansho a Kano

A wani rahoton, kun ji cewa gwamna Abba Kabir Yusuf na jihar Kano ya ƙaddamar da shirin biyan kuɗaɗen giratuti kashi na biyu a jihar.

Rahotanni sun nuna cewa gwamnan ya ƙaddamar da biyan kuɗaɗen waɗanda sun kai Naira biliyan 5 daga shekarar 2016 zuwa 2019.

Muhammad Malumfashi, babban edita a sashen Hausa na Legit ya duba labarin.

Asali: Legit.ng