Kano: Sanata Hanga Ya Yi Karin Haske Kan Dalilin Rabon Kayan Gawa a Makabartu

• Sanatan Kano ta tsakiya, Rufa'i Hanga ya yi karin haske kan kayayyakin da ya raba a makabartu da ke cikin mazabarsa
• Rufa'i Hanga ya bayar da dalilai kan raba tallafin tare da cewa yana fatan ya mutu a kan irin ayyukan domin samun rahamar Allah
• Martanin da sanatan ya yi ya biyo bayan caccaka da masu amfani da kafafen sada zumunta suka yi ne a lokacin da ya raba kayayyakin

Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.

Jihar Kano - Sanatan mai wakiltar mazabar Kano ta tsakiya a majalisar dattijai, Rufa'i Hanga ya yi karin haske kan kayayyakin da ya raba a makabarta.

Kara karanta wannan

Rikicin Rivers: Wike ya ba da haƙuri, ya sha alwashin gyara kuskuren da ya tafka

Kano: Kayayyakin da Sanata Hanga ya raba

A satin da ya wuce ne sanatan ya raba tukwanen kasa 2,000 da likkafani yadi 10,500 a wata makabarta da ke mazabarsa.

Sai dai tallafi da sanatan ya bayar ya tayar da kura inda al'umma da dama suka soke shi.

Sai dai jaridar Leadership ta ruwaito cewa ya yi karin haske kan lamarin domin wanke kansa daga zargi.

Karin hasken da Sanata Hanga ya yi

Yayin da yake karin hasken ya bayyana cewa tallafin ya yi shi ne da kudin aljihunsa ba da kudin gwamnati ba.

A cewarsa, dukkan kayan da ya kai makabartar ya kaisu ne domin mutumta dan Adam idan ya mutu da kuma neman lada.

Sanata Hanga ya ce lalle ya gaji irin ayyukan ne wurin iyaye da kakanni kuma yana fatan cigaba da su har karshen rayuwarsa.

Kara karanta wannan

"Sun lalata komai": Tsohon shugaban kasa ya koka yadda aka ruguza ayyukansa

Wuraren da Hanga ya raba kayayyakin gawa

Kayayyakin dai an raba su ne ga ƙananan hukumomi 15 cikin mazabun da sanatan yake wakilta a Kano ta tsakiya.

Wanda hakan ne ya jawo cece-ku-ce a kafafen sadarwa kuma ya tilasta masa yin karin haske kan lamarin, rahoton Daily Post.

"Fa'idar raba kayan gawa" - Sanata Hanga

Dangane da muhimmancin aikin kuma, Sanata Hanga yace tukwanen suna da amfani sosai wurin kiyaye mamata da aka binne a makabartu.

Sannan ya kara da cewa ya raba tallafin ne biyo bayan taimako da kwamitin lura da makabartu na jihar Kano ya nema.

Kotu ta tabbatar da nasarar sanata Hanga

A wani rahoton kun ji cewa kotun sauraron ƙararrakin zaɓe mai zamanta a birnin Kano ta yanke hukunci a kan ƙarar A. A Zaura da Sanata Rufa'i Hanga.

Kotun ta yi watsi da ƙarar da A.A Zaura ya shigar inda ta tabbatar da Hanga dan jam'iyyar NNPP a matsayin zaɓaɓɓen sanatan Kano ta tsakiya.

Asali: Legit.ng