Labarai

Ana Tsaka da Dambarwar Yahaya Bello, Hukumar EFCC Ta Yi Garambawul a Mukamai

Asabar, Afirilu 27, 2024 at 2:51 Yamma daga Abdullahi Abubakar 2 - tsawon mintuna

Yayin da ya ke ta kokarin kawo karshen cin hanci da rashawa, shugaban EFCC ya yi garambawul a hukumar da sabbin nade-nade
Ola Olukoyede ya nada sabon shugaban ma'aikatansa da kuma wasu sabbin darektocin yankuna 14 a fadin ƙasar
Hakan ya zo a dai-dai lokacin da hukumar ke cikin dambarwa da tsohon gwamnan Kogi, Yahaya Bello kan badakalar N84bn

Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!

Abdullahi Abubakar, Editan Legit Hausa ne a bangaren siyasa, kasuwanci da al'amuran yau da kullum ne, ya na da gogewar aikin jarida sama da shekaru uku.

FCT, Abuja - Shugaban hukumar EFCC, Ola Olukoyede ya yi sabbin nade-nade a hukumar.

Olukoyede ya amince da sabbin darektoci 14 a yankuna domin tabbatar da inganta ayyukan hukumar da kuma sauke nauyin da aka daura musu.

Hukumar EFCC ta yi garambawul ana tsaka da neman Yahaya Bello — Shugaba hukumar EFCC ya yi sabbin nade-nade domin daura damar yaki da cin hanci. Hoto: Economic and Financial Crimes Commission.
Asali: UGC

Waye aka nada shugaban ma'aikatan EFCC?

Kara karanta wannan

Yahaya Bello: Kotu ta umarci shugaban EFCC ya gurfana a gabanta, ta jero dalilai

Har ila yau, shugaban hukumar ya nada Michael Nzekwe a matsayin shugaban ma'aikatansa, cewar Channels TV.

LURA: Shin kana son bamu labari da tattaunawa da marubutanmu? Tuntubemu a info@corp.legit.ng

Nzekwe ya kasance kwararren lauya wanda kuma shi ne tsohon kwamandan yanki na hukumar da ke birnin Ilorin a jihar Kwara.

Sakataren yada labaran hukumar, Dele Oyewale shi ya tabbatar da haka a yau Asabar 27 ga watan Afrilu, cewar Punch

Olukoyede ya daga darajar ofisoshin yankin inda ya nada darekta a kowane bangare domin tabbatar yin aiki tukuru a kokarin yaki da cin bana.

An kuma kirkiri wani sabon ofishi a karkashin shugaban hukumar wanda tsohon kwamandan yanki a Makurdi, Friday Ebelo zai jagoranta.

Musabbabin yin sabbin nade-nade a EFCC

"Nzekwe kwararren mai gudanarwa ne wanda ya halarci kwasa-kwasai da dama a gida da kuma kasashen ketare."

"Dukkan nade-naden za su fara aiki ne nan take ba tare da bata lokaci ba."

Kara karanta wannan

Shirin ba ɗalibai rancen kuɗi; Tinubu ya naɗa Jim Ovia a matsayin shugaban NELFund

"Olukoyede ya ce wannan garambawul din an yi ne saboda inganta ayyukan hukumar a kokarin dakile matsalar cin hanci a Najeriya."

- Dele Oyewale

Kotu ta bada sabon umarni ga shugaban EFCC

A wani labarin, kun ji cewa wata babbar kotu a jihar Kogi ta umarci shugaban hukumar EFCC, Ola Olukoyede ya gurfana a gabanta.

Kotu ta ba shugaban hukumar kwanaki inda ta ce dole ya hallara kan zargin saɓa umarninta a binciken tsohon gwamna jihar, Yahaya Bello.

Wannan na zuwa ne yayin da hukumar ke tuhumar tsohon gwamnan kan badakalar N84bn lokacin da ya ke mulkin jihar.

Asali: Legit.ng

Authors:

Abdullahi Abubakar (Hausa editor) Marubuci kuma kwararren ɗan jaridan da ya shafe shekaru 3 yana rubutu a fannin siyasa da harkokin yau da kullum. Ya kammala digirin farko a jami'ar Maiduguri. Ya samu horon aikin jarida a Reuters da AFP, ya sha halartar tarukan karawa juna sani game da bincike da adabi. Tuntube shi a abdullahi.abubakar@corp.legit.ng.

Tags:

EFCC Maryam Yahaya Yaki da cin hanci a Najeriya Abuja