Shehu Sani Ya Yi Martani Bayan Shugaba Tinubu Ya Samu Babban Mukami a Afirika

• Tsohon Sanatan Kaduna ta Tsakiya, Shehu Sani ya mayar da martani kan sabon muƙamin da Shugaba Bola Ahmed Tinubu ya samu
• A ranar Juma'a, Ƙungiyar Tarayyar Afirka (AU ) ta naɗa Shugaba Tinubu a matsayin zakaran samar da lafiya a Afirika
• Sani ya ce bayan da Super Eagles ta Najeriya ta yi rashin nasara a wasan ƙarshe na AFCON a hannun Ivory Coast, yanzu ƙasar ta zama zakaran lafiya a Afirika

Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi

FCT, Abuja - Tsohon Sanatan Kaduna ta tsakiya, Shehu Sani ya bayyana sabon matsayin Najeriya a nahiyar Afirika.

Sani ya ce Najeriya yanzu ta zama zakaran lafiya a Afirika bayan Super Eagles ta yi rashin nasara a gasar cin kofin AFCON 2023 a hannun mai masaukin baki, Ivory Coast a ranar Lahadi, 11 ga watan Fabrairu.

Kara karanta wannan

Shugaba Tinubu zai gana da gwamnonin Najeriya kan muhimmin abu, bayanai sun fito

Ya bayyana hakan ne a shafinsa na X (wanda a baya aka fi sani da Twitter) @ShehuSani, a ranar Juma’a, 16 ga watan Fabrairu.

Ya bayyana haka ne a lokacin da yake mayar da martani ga muƙamin da Shugaba Bola Ahmed Tinubu ya samu a ƙungiyar Tarayyar Afirka (AU).

A kalamansa:

"Mun yi rashin nasara a gasar AFCON a Abidjan amma yanzu mun zama 'Zakarun lafiya' a Afirika."

Ƴan Najeriya sun mayar da martani yayin da Tinubu ya samu sabon muƙami

ŘÊ£ΊŤ@simpleiykejnr

"Lafiya a Afirka! Shugabanmu da ƴan siyasarmu har yanzu suna fita waje don neman lafiya…"

Adams @osagie_adams

"Kar a yi ƙarya, tun da Bulaba yana zuwa Faransa a kodayaushe don duba lafiyarsa, mun cancanci zama a cikin matsayi na ɗaya akan lafiya."

clinton @esiabaclinton1

"Zakaran lafiya yana zuwa Faransa don samun kulawar likitoci. Kun cika wasa a ƙasar nan."

Kara karanta wannan

Shugaba Tinubu ya naɗa mutum 5 a manyan muƙamai a babban banki CBN, ya tura saƙo Majalisa

Evergreen @Chris_Okp

"Ɓabu abin da Allah ba zai iya yi ba."

Easy@TadeOmole

Balablue din mu har yanzu yana tafiya a duba lafiyarsa a ƙasar waje, har ma za ka iya samun sirinji a asibitin Aso Villa. Zakaran bala'i.

Afenifere Sun Goyi Bayan Tinubu

A wani labarin kuma, kun ji cewa ƙungiyar Yarabawa ta Afenifere ta caccaki masu sukar gwamnatin Tinubu kan halin matsin tattalin arziƙin da ake ciki a ƙasar nan.

Ƙungiyar ta bayyana cewa masu sukar Tinubu sun yi shiru a lokacin mulkin Buhari wanda shi ne ya jawo halin da ake ciki a ƙasar nan.

Asali: Legit.ng