Abun Bakin Ciki Ya Sake Faruwa a Ibadan Yayin da Gobara Ta Tashi a Ofishin INEC, An Yi Karin Bayani

• Ofishin hukumar zabe ta kasa mai zaman kanta (INEC) a karamar hukumar Ibadan ta Kudu maso Gabas ta kama da gobara
• Kwamishinan hukumar zabe na jihar, Dr Adeniran Tella, ya tabbatar da tashin gobarar a cikin wata sanarwa
• An tattaro cewa al'amarin ya afku ne da misalin karfe 10:30 na safiyar Juma'a, 26 ga watan Janairu, kasa da makonni biyu bayan faruwar wani mummunan al'amari a jihar

Aisha Musa ta shafe tsawon shekaru tana kawo labaran Hausa a bangaren siyasa, tsegumi da al’amuran yau da kullum

Ibadan, jihar Oyo - Hukumar zabe a jihar Oyo ta tabbatar da tashin gobara a ofishinta da ke karamar hukumar Ibadan ta Kudu maso Gabas.

Wata sanarwa da Dr Adeniran Tella, kwamishinan zabe na jihar ya saki a garin Ibadan, babban birnin jihar Oyo, ta bayyana cewa gobarar ta faru ne da misalin karfe 10:30 na safiyar Juma'a, 26 ga watan Janairu.

Kara karanta wannan

A karshe, rundunar sojin saman Najeriya ta nemi afuwar mutane kan kuskuren kashe bayin Allah a arewa

Yayin da har yanzu ba a tantance ainihin musabbabin tashin gobarar ba, ana hasashen cewa ta samo asali ne daga karfin wutar lantarki, kamar yadda kwamishinan zaben ya bayyana, rahoton PM News.

Ya tabbatar da cewar ba a rasa rai ba sannan ya fayyace cewa kayan aiki kawai aka rasa.

Tella ya kara jaddada cewa lamarin ba zai yi tasiri a zaben mazabar Saki ta Yamma da za a yi a ranar 3 ga watan Fabrairu mai zuwa ba, rahoton Naija News.

Garin Ibadan ya yi fama da abubuwan bakin ciki da dama cikin kasa da makonni biyu, wanda na baya-bayan nan da ya afku shine tashin abun fashewa a yankin Bodija da ke garin wanda ya kai ga rasa rayuka da dukiyoyi.

Gobara ta lakume gidaje 50 a Benue

Kara karanta wannan

An kara kashe bayin Allah a jihar arewa duk da sa dokar kulle, Atiku ya maida martani mai zafi

A wani labarin, mun ji cewa wata tsohuwa ƴar shekara 80 ta ƙone ƙurmus a wata gobara da ta ƙone gidaje 50 a ƙauyen Tse-Agubor Gyaruwa da ke gundumar Tsambee-Mbesev a ƙaramar hukumar Gwer ta Yamma a jihar Benue.

Shugaban ƙauyen da abin ya shafa, Cif Ayatse Agubor, ya shaida wa manema labarai a Makurdi cewa, gobarar ta tashi ne da misalin ƙarfe 10:00 na safiyar ranar Lahadi, yayin da mutanen ƙauyen ke aiki a gonakinsu, cewar rahoton Daily Trust.

Asali: Legit.ng