An Shiga Jimami Bayan Rasuwar Addar Tsohon Gwamna a Najeriya, Bayanai Sun Fito
- Addar tsohon gwamnan Osun, Prince Olagunsoye Oyinlola ta rasu ta na da shekara 87 a duniya a yau Alhamis
- Marigayiyar Victoria Moradehun Popoola ta kasance kamar uwa a wurin tsohon gwamnan bayan rasuwar mahaifiyarsa
- Popoola wacce ungozoma ce ta yi ritaya kuma ta kasance babbar ƴa a cikin iyalan Oba Moses Oyinlola
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne a bangaren siyasa, kasuwanci da al'amuran yau da kullum ne, ya na da gogewar aikin jarida sama da shekaru uku.
Jihar Osun - Tsohon gwamnan jihar Osun, Prince Olagunsoye Oyinlola ya rasa addarsa.
Marigayiyar Victoria Moradehun Popoola ta rasu ta na da shekaru 87 a duniya a yau Juma'a 29 ga watan Disamba.
Source: Facebook
Wace ce marigayiya Victoria a wurin Oyinlola?
Popoola wacce ungozoma ce da ta yi ritaya ita ce babbar ƴa a wurin mahaifiyarsa, cewar Tribune..
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Marigayiyar ta kasance uwa a wurin Oyinlola bayan rasuwar mahaifiyarsu a shekarar 1959 lokacin ya na shekara takwas.
Victoria ta yi aiki a jihar Sokoto lokacin da tsohon gwamnan ya shiga aikin soja a shekarar 1969.
Wannan na zuwa ne kwanaki biyu bayan rasuwar gwamnan jihar Ondo, Rotimi Akeredolu a kasar Jamus, cewar IRepoteronline.
Wane martani tsohon gwamnan ya yi kan rasuwar?
Tsohon gwamnan ya bayyana mutuwar marigayar a matsayin karshen iyalan Oba Moses Oyinlola.
Ya bayyana marigayar a matsayin uwa ta biyu a gare shi wacce ta dauki nauyin karatunsa da rayuwarsa tun ya na karami.
Daga cikin wadanda suka tura sakon ta'aziya akwai tsohon mataimakinsa, Erelu Olusola Obada inda ya bayyana rasuwar a matsayin babban rashi.
A cikin makon na da muke ciki an samu mace-macen manyan mutane masu mukami a Najeriya da dama.
Daga cikinsu akwai tsohon kakakin Majalisar Wakilai, Ghali Umar Na'Abba da Gwamnan jihar Ondo, Rotimi Akeredolu.
Ghali Na'Abba ya riga mu gidan gaskiya a Abuja
A wani labarin, da safiyar Laraba ce 27 ga watan Disamba aka wayi gari da rasuwar tsohon kakakin Majalisar Wakilai, Ghali Umar Na'Abba.
Na'Abba ya rasu a wani asibiti da ke birnin Tarayya, Abuja bayan fama da doguwar jinya.
Da yammacin ranar ce aka binne mamacin da misalin karfe 5:38 na yamma a Kano.
Asali: Legit.ng
